Закончалыктагы үзгәрешләр аңлатылды

“Хезмәт шартларын махсус бәяләү” турында 2013 нче елның 28 декабрендә гамәлгә кергән Федераль Закон барлык эш бирүчеләрдән хезмәт урыннарында зыянлы һәм куркыныч җитештерү факторларын тикшерүне таләп итә.

Хезмәтне саклау, хезмәт шартларын махсус бәяләүнең актуаль мәсьәләләре буенча ТР Профсоюзлар Федераци­ясе рәисе урынбасары Марат Гафаров, хезмәтнең баш тех­ник инспекторы Ирина Анди­на алып барган семинарда сүз закондагы үзгәрешләр ха­кында барды. Чарада район хакимияте вәкилләре, район профсоюзларының координа­цион советы әгъзалары, пред­приятие җитәкчеләре, профак­тив, эш бирүчеләр катнашты.

Сер түгел, производствода, аеруча төзелештә авыр травма алучылар, алар арасында үлем очраклары арта. Бүгенге көннең беренчел бурычлары – сыйфат­лы, югары җитештерүчән һәм куркынычсыз эш урыннары бул­дыру, ә бу үз чиратында хезмәт шартларының начар булуы сәбәпле, икътисадый югалту­ларны киметүгә ярдәм итәчәк. Берече адымнар ясалган инде. Хезмәтне саклау буенча ике ка­нун кабул ителгән, шуларның иң мөһиме – “Хезмәт шарт­ларын махсус бәяләү турын­да” һәм шуңа бәйле рәвештә үзгәрешләр кертелгән. Алар башлыча пенсия, иминият, җинаять, административ ка­ нуннарга һәм РФ Хезмәт ко­дексларына кагыла. Бу канун халык эшли торган урыннарда хезмәт шартларына объектив бәя бирүгә юнәлтелгән.

Ирина Андина аудитория каршында ясаган чыгышында хезмәт шартларына махсус бәя бирүнең ни рәвешле тормышка ашырылуы, эш бирүченең хо­куклары һәм бурычлары, канун белән бәйле уңайсызлыклар (аерым алганда бу бермә-бер артачак штраф санкцияләренә бәйле) турында бәян итте. “Ел тәмамланырга бик аз вакыт калып бара, шуның өчен бу өлкәдә эшне бүген үк башларга кирәк”, – дип искәртте ул семи­нарда катнашучыларны. 2013 нче елда Минзәлә районында производство­да зыян күрүнең 19 очрагы теркәлгән булса, агымда­гы елның 9 ае эчендә 28 эшләүче зыян күргән.

акцент

Канунның төп үзенчәлеге шунда – 2014 нче елның 1 гыйнва­рыннан эш урыннарына аттестация үткәрелми, бу төшенчә РФ законнары актыннан төшереп калдырылган. 2014 нче ел­дан башлап, хезмәткә бәя бирү 5 елга бер тапкыр уздырыла­чак. Ул ике этапта үтә. Әгәр дә беренчесендә эш урынында зарарлы фактлар ачыкланмаса, эш бирүче декларация төзеп, аны Татарстан Республикасы Дәүләт хезмәт инспекциясенә җибәрә. Зарарлы фактлар очраклары ачыкланса, махсус бәяләү эшләре дәвам итәчәк. Бу һәр тармакта эшләүчегә, хәтта офис хезмәткәрләренә дә кагыла. Штатта бер генә хезмәткәр бар­лыкка килсә дә, эшмәкәргә яңа эш урынына махсус бәя бирү узды­рырга туры киләчәк.

Әлфинә ВОРОБЬЕВА