Иттә нинди инфекцияләр булырга мөмкин һәм үзеңне ничек сакларга.

Ит — сәламәт һәм тулы канлы туклануның мөһим элементы, ләкин җитәрлек термик эшкәртү булмаганда яки санитар нормалар бозылганда, ул продукт куркыныч паразитар авыруларның сәбәбе булып тора. Шуларның иң киң таралганнары:

·         Трихинеллёз, китереп чыгаручысы — Trichinella төреннән, кечкенә түгәрәк суалчаннар. Чир йоктыру күбесенчә трихинелла суалчаны булган итне ашаганда була. Алар кешенең мускулларына үтеп керәләр, авырту, шеш, бизгәк китереп чыгаралар, ә авыр очракларда — йөрәк, үпкәләр һәм нерв системасы зарарлануы.

·         Тениаринхоз, китереп чыгаручысы — үгезләрдә була торган тасмалы суалчан. Кеше җитәрлек эшкәртелмәгән мөгезле эре терлек итен, паразитның суалчаннарын эченә алган итне ашаганда, чирли. Тасмалы суалчан эчәктә үсә (озынлыгы 12 метрга җитәргә мөмкин), бу ашказаны-эчәк бозылуларына, косуга, авыртуга, авырлык югалтуга китерә.

·         Тениоз, дуңгызларда була торган авыру —  бу да тасмалы суалчан. Чир йоктыру начар пешерелгән дуңгыз итен ашаганда була. Эчтә авырту, косу, хәлсезлек, авырлык югалту һәм тәрәт бозылу белән сыйфатлана. Эчке органнарның катлаулылыклары булырга мөмкин. Төп куркынычлык — цистицеркоз үсеше (ми, күз зарарлану), нәтиҗәдә көчле баш авыртулары, конвульсияләр, күрү начарая.

Шуны онытмаска кирәк, әйтик:

– Паразит суалчаннары түбән температурага чыдамлы һәм туңдырудан соң да иттә сакланып кала алалар.

– Тозлау, ыслау һәм каклау һәрвакыт трихинелла һәм башка паразитларның суалчаннарын юк итми.

– Аеруча куркынычлы — кыргый хайван итләре (аю, кабан, бурсык), шулай ук сертификацияләнмәгән дуңгыз һәм сыер ите.

Профилактика чаралары:

1.      Итне тикшерү урыннарында, ветеринария контроле һәм ярдәмче документлары булганда, сатып алыгыз.

2.      Чи итне аерым тактада кисегез, аның белән эшләгәннән соң кулларны һәм пычакны бик яхшылап юыгыз.

3.      Чи яки начар пешерелгән ит, аеруча дуңгыз һәм кыргый хайван итен, ашамагыз.

4.      Чи фаршны кабып карамагыз һәм йорт хайваннарына эшкәртелмәгән ит калдыклары бирмәгез.

5.      Термик эшкәртүгә игътибар итегез:

·         Итне кисәкләп 2 сәгать дәвамында кайнатыгыз.

·         Кыргый хайваннар ите өчен — кайнату 2,5-3 сәгать дәвамында.

·         Кыздырганда, ит эчендәге температура 70°C түбән булмаска тиеш.

Авыруның беренче билгеләре булганда (мускулларда авырту, шеш, бизгәк) тиз арада табибка мөрәҗәгать итегез.

Санитар куркынычсызлыгы һәм куркыныч авыруларның профилактикасы турында күбрәк файдалы мәгълүматны санщит.рус сайтында таба аласыз.