2026 елда Халыкара яшьләр фестиваленә Татарстан Республикасы делегациясе составында катнашу өчен гариза бирү кампаниясен ачу турында.
2026 елның 11-17 сентябрендә Екатеринбургта зур халыкара вакыйга узачак, ул дөньяның 190 иленнән 10 мең яшь лидерны, экспертларны һәм активистларны җыячак. Татарстан Республикасы гадәттәгечә 189 кешедән торган үз делегациясен оештырачак.
Татарстан командасының бер өлеше булырга теләүчеләр өчен теркәлү инде ачык һәм 30 апрельгә кадәр дәвам итәчәк.
Халыкара яшьләр фестивале 2024 елда Сириуста башланган Бөтендөнья яшьләр фестиваленең Глобаль инициативасының бер өлеше булып тора. Мондый чараларны үткәрү «Яшьләр һәм балалар» милли проекты максатларына туры килә һәм Халыкара яшьләр хезмәттәшлеген саклауга һәм үстерүгә юнәлдерелгән.
Татарстан Республикасы Яшьләр эшләре министры Азат Кадыйров ассызыклаганча: "Татарстан Республикасы өчен Халыкара яшьләр фестивалендә катнашу – ул, барыннан да элек, безнең идеяләрне халыкара мәйданда лаеклы рәвештә тәкъдир итү, шулай ук төрле илләрдән килгән яшьләр белән эшлекле, иҗади һәм мәдәни багланышларны җайга салу мөмкинлеге. Ышанам ки, безнең команданың һәр вәкиле уникаль тәҗрибә туплап кына калмыйча, республиканың уңай образын формалаштыруга да зур өлеш кертәчәк».
Фестиваль 35 яшькә кадәрге 5 мең Россия һәм 5 мең чит ил катнашучысын берләштерәчәк, шул исәптән 14 яшьтән 17 яшькә кадәрге яшүсмерләрне дә. Программа дискуссияләр, мастер-класслар, спорт, мәдәни һәм экскурсия чараларын үз эченә ала.
Татарстанның актив халкын делегациягә сайлануга кушылырга һәм төбәкне халыкара аренада тәкъдим итәргә чакырабыз.
Кандидатларга карата таләпләр, сайлап алу этаплары һәм катнашу мөмкинлекләре турында тулырак мәгълүмат рәсми сайтта бар: https://wyffest.com/events/mfm2026