Татарстанның почта бүлекчәләре Халыкара хатын-кызлар көнендә, 8 мартта, эш графигын үзгәртәчәк.

2026 елның 4 марты, чәршәмбе

8 мартта республикадагы Россия Почтасының күпчелек бүлекчәләре өчен ял көне булачак. 7 мартта почта бүлекчәләре эшне бер сәгатькә иртәрәк тәмамлаячак, ә 9 мартта клиентларны гадәти расписание буенча кабул итәчәкләр.

8 мартта почтальоннар хатлар һәм вакытлы матбугат басмаларын таратмаячак. Пенсияләр һәм пособиеләрне алар Россия Федерациясенең Социаль фондының төбәк бүлекчәсе белән килешенгән график буенча китерәчәкләр.

Кайбер почта бүлекчәләре өчен башка эш режимы билгеләнергә мөмкин. Актуаль графикны ачыклау яки якындагы ачык Россия Почтасы бүлекчәсен картада табу өчен pochta.ru сайтында яки компаниянең мобиль кушымтасында карарга мөмкин.