Әлфия Когогина: ТЭК объектларын БПЛА һөҗүмнәреннән саклау мөмкинлекләре киңәйтеләчәк.
Дәүләт Думасы критик инфраструктура объектларының куркынычсызлыгын көчәйтүгә юнәлдерелгән закон проектын беренче укылышта кабул итте.
Россия Федерациясе Дәүләт Думасы депутаты, "Бердәм Россия" партиясенең "Эшмәкәрлек" федераль проекты координаторы Әлфия Когогина аңлатты: "Без диверсион-террористик куркынычларга һәм критик инфраструктура эшен дестабилизацияләү омтылышларына каршы торуны камилләштерүгә юнәлдерелгән законнарны камилләштерү буенча эзлекле эш алып барабыз. Аерым алганда, ягулык-энергетика комплексы предприятиеләренең куркынычсызлыгын тәэмин итүче структураларның мондый объектларны һәм аларның хезмәткәрләрен, аерым алганда, пилотсыз очкычлар һөҗүмнәреннән саклау өчен күбрәк мөмкинлекләре булырга тиеш."
Инициатива махсуслаштырылган шәхси сак оешмаларына Росгвардиянең территориаль органнарында махсус объектларны саклау максатында сугыш коралларын алу хокукын бирергә тәкъдим итә. Гамәлдәге закон нормалары буенча аларга бары тик хезмәт коралларын гына кулланырга рөхсәт ителә.