Татарстанлылар хәзер хат җибәрү өчен электрон марка белән ярлыкны туры почтада бастыра ала.
Россия Почтасының сайтында һәм кушымтасында заказлы хатлар һәм бандерольләрне рәсмиләштерү тагын да уңайлырак булды. Хәзер онлайн түләү билгесе белән адрес ярлыгын Татарстанның теләсә кайсы почта бүлегендә бастырып була.
Элек сайтта заказлы хатларны рәсмиләштергәндә һәм түләгәндә җибәрүчеләргә адрес ярлыгын электрон марка (онлайн түләү билгесе) белән үзләре бастырып, аны конвертка ябыштырырга кирәк иде.
«Хәзер адрес ярлыгын бастыруны онлайн рәвештә җибәрүләрне рәсмиләштергәндә кушымтада яки компания сайтында заказ бирергә, яки аны операторда урында бастырырга мөмкин. Үзең бастыру өчен вакыт сарыф итү кирәкми. Бу хатлар һәм бандерольләр җибәрү процессын мөмкин кадәр уңайлы һәм тиз итә», — дип билгеләп үтте Россия Почтасының төбәк идарәсе директоры Илнур Мәхмүтов.