Әлфия Когогина: Алимент түләмәүчеләр БДБ территориясендә эзәрлекләнәчәк.
Дәүләт Думасы Бәйсез Дәүләтләр Бердәмлеге илләрендә алиментларны түләтү турында протоколларны ратификацияләде.
РФ Дәүләт Думасы депутаты, "Бердәм Россия" партиясенең "Эшмәкәрлек" федераль проекты координаторы Әлфия Когогина аңлатма бирде: "Гражданлык, гаилә һәм җинаять эшләре буенча хокукый ярдәм һәм хокукый мөнәсәбәтләр турында Конвенциягә үзгәрешләр кертү турында законнар кабул ителде. Алиментларны түләтү турында суд карарлары Бәйсез Дәүләтләр Бердәмлеге илләренең барлык территориясендә көчкә ия булачак, аларны имзалаган илләрдә. Инициатива кабул ителгәннән соң, җавапсыз ата-аналарга БДБ илләрендә качып, балаларына алимент түләмәү мөмкин булмаячак".
Документларны Дәүләт Думага президент Владимир Путин кертте. Гражданлык, гаилә һәм җинаять эшләре буенча хокукый ярдәм һәм хокукый мөнәсәбәтләр турында Конвенциягә үзгәрешләр кертү турында протоколлар (1993 елның 22 гыйнвары һәм 2002 елның 7 октябре) РФ исеменнән 2025 елның 13 маенда имзаланды.
Төзәтмәләр БДБ илләрендә балаларга алиментларны түләтү турында суд карарларын мәҗбүри үтәүне конвенцияләрдә ныгытырга мөмкинлек бирәчәк.
БДБның тулы хокуклы әгъзалары булып Әзербайҗан, Әрмәнстан, Беларусия, Казахстан, Кыргызстан, Молдова, Россия, Таҗикстан, Үзбәкстан тора.