Бүген Минзәлә районында яшәүче, тыл хезмәткәре, хезмәт ветераны Пудова Тәрҗемә Сәләх кызы 101 яшьлек туган көнен билгеләп үтә.
Тәрҗемә Сәләх кызы 1925 елның 9 гыйнварында Минзәлә районының Бикбау авылында туган.
Эшли башлавы - 14 яшьтән. 1939 елда механизаторлар өчен аш пешерүче булып эшләгән; 1941-1942 елларда тәгәрмәчле тракторда сукачы; 1951-1954 елларда Иркәнәш авылында тегермәндә исәпче булып эшләгән.
Тәрҗемә Сәләх кызының күпсанлы рәхмәт хатлары, мактау грамоталары бар, «1941-1945 елларда Бөек Ватан сугышында фидакарь хезмәт өчен» медале белән бүләкләнгән.
Ире белән 6 бала тәрбияләп үстергәннәр. 12 онык, 18 оныкчык, 3 оныкчыкның балалары әбиләрен еш кына килеп күрәләр.
.jpg)
Хөрмәтле Тәрҗемә Сәләх кызы!
Туган көнегез белән чын күңелдән котлауларыбызны кабул итегез!
Без сезнең буын белән горурланабыз – геройлар һәм җиңүчеләр буыны, алар Бөек Ватан сугышының авыр сынауларын намус белән үттеләр.
Сезгә ныклы сәламәтлек, озын гомер, яхшы кәеф, якыннарыгызның игътибарын телибез.
Минзәлә муниципаль районы башлыгы Айдар Сәлахов.