"Минзәлә батыры" көрәш залында нормативлар тапшыру буенча традицион Беренчелек узды.

Традиция буенча, Яңа ел алдыннан, нәтиҗәләр чыгару буларак, 2025 елның 21 декабрендә "Минзәлә батыры" көрәш залында махсус физик әзерлек нормативларын тапшыру буенча "Юбилейный" спорт мәктәбе традицион Беренчелеге узды (манекен белән күнегү). Ярышларда тренер-укытучы Бәдриев Рәмзил Рафаил улының башлангыч әзерлек төркемнәреннән 2015-2020 елгы 36 тәрбияләнүче катнашты. Костюковлар, Юнзель, Кузьминнар, Закировлар, Рахмановлар һәм Сальниковлар гаиләләре көрәш белән шөгыльләнүче ике һәм аннан күбрәк бала өчен статуэткалар белән бүләкләнде. Яшь көрәшчеләр иганәче Салават Язкәр улы Биҗановтан кубоклар, медальләр һәм грамоталар алды. Шулай ук ярышта катнашучыларның барысы да Салават Язкәр улы Биҗанов һәм "Юбилейный" спорт мәктәбе директоры Ильфар Әлфир улы Сафиуллиннан Яңа елның татлы бүләкләрен алды. Спорт мәктәбе ярыш иганәчесе Биҗанов Салаватка ихлас рәхмәтен белдерә һәм сәламәтлек һәм уңышлар тели!