Татарстан филателистлары үз бәйрәмнәрен билгеләп үтә.
19 августта филателия көне билгеләп үтелә. Филателия — бу почта атрибутикасы әйберләрен – маркаларны, конвертларны, штемпельләрне җыю һәм өйрәнү өлкәсе. Һәр елны Татарстан халкы һәм оешмалары почта аша 24 миллионнан артык хат һәм открыткалар ала һәм җибәрә, аларны җибәрү өчен почта маркалары һәм штемпельләр кулланыла.
Стандарт почта җибәрүләрен түләү өчен кулланыла торган маркалардан тыш, сәнгать маркалары да бар. Иллюстрацияле сәнгать конвертлары да бар, аларда инде бастырылган стандарт марка бар, ул җибәрү өчен тариф буенча түләүне раслый. Сәнгать маркалары һәм конвертлар хайваннарга, үсемлекләргә, архитектура һәйкәлләренә, сәнгать әсәрләренә, төбәк тематикасына һәм әһәмиятле тарихи вакыйгаларга багышланган уникаль сюжетлар белән аерылып тора.
Мәсәлән, узган елда почта әйләнешенә Казан Кремле күренеше белән Казанда БРИКС берләшмәсе дәүләт башлыклары очрашуына багышланган марка чыкты. Быел Почта ике конверт чыгарды, шуларның берсе татар галиме-этнографы һәм мәгърифәтчесе Каюм Насыйрига, ә икенчесе ― Татарстандагы Идел-Кама тыюлыгына багышланган.
Бүген Почта Россия шәһәрләре һәм төбәкләренә багышланган почта түләү билгеләрен чыгару традицияләрен дәвам итә. 27 августта әйләнешкә Казанга багышланган «Хезмәт батырлыгы шәһәрләре» сериясеннән марка чыгачак. Анда Казан Җиңү паркындагы Мемориаль комплексында тыл хезмәтчәннәренә һәйкәл сурәтләнәчәк, ― дип билгеләп үтте Россия Почтасының төбәк идарәсе директоры Илнур Мәхмүтов.
Почта түләү билгеләрен җыю өлкәсе буларак филателиянең үсеше хатларны почта аша актив җибәрү аркасында мөмкин булды. Бу махсус билгеләр белән конвертлар, аннары маркалар куллану ихтыяҗын тудырды. Соңрак аларга төрле вакыйгаларга, кешеләргә һәм истәлекле урыннарга багышланган сурәтләр ясый башладылар. Почта миниатюралары аша тарихны, географияне, рәсем сәнгатен өйрәнү мөмкинлеге барлыкка килде.
Почта маркасының тарихы 1840 елда Лондонда королева Виктория портреты белән "Кара пенни" чыгару белән башланды. Русиядә беренче почта маркасын 1858 елда әйләнешкә кертте
ләр. Ул 10 тиен номиналы белән Почта департаментының гербы — ике башлы бөркет, аның астында ике почта мөгезе кисешкән сурәт белән иде.
Бүген Татарстанның почта бүлекләрендә стандарт һәм сәнгать маркаларын табарга мөмкин, алар ярдәмендә хатлар җибәреп кенә калмыйча, филателия дөньясына да чумарга була.