Минзәлә кырларыннан 72 024 тонна ашлык җыеп алынган.
"Калморза" хуҗалыгы игенчеләре көзге бодай, солы сугуны тәмамладылар һәм язгы бодай сугуны чирек өлешкә тәмамладылар. Бу хуҗалыкта уртача уңыш гектарыннан 54,9 центнер тәшкил итә. Әлеге хуҗалык барлык мәйданнарның 53 процентын җыеп алды.
Районның авыл хуҗалыгы һәм азык-төлек идарәсеннән алынган оператив мәгълүматларга караганда, 18 августка барлыгы 14 996 гектар мәйданда иген культуралары сугылган, бу гомуми мәйданның 40,1 процентын тәшкил итә. Кояшлы көннәрдән файдаланып, район игенчеләре кичә 1379 гектар иген сукты. Район кырларында 79 комбайн эшләде.
Кичә Минзәлә шәһәре тирәсендә 11 миллиметр яңгыр яуды, Татар Мөшегесе һәм Бикбау авылларында — 22-25 миллиметр.
Кышкы бодай 8158 гектар мәйданда (барлык мәйданнарның 96,2 проценты) җыеп алынган, солы — 130 (100 процент), арпа — 3454 (40,4 процент), язгы бодай — 2914 (15 процент), борчак — 340 (64,2 процент). Минзәлә игенчеләре урак башыннан барлыгы 72 024 тонна икмәк суктырган. Әлегә көзге бодайның уртача уңышлылыгы - 50,9 ц/га, арпаныкы — 40,8 ц/га, борчакныкы — 42,8 ц/га, солыныкы — 53,6 ц/га тәшкил итә.