Татарстанлылар кире кайткан халыкара посылканы яңадан җибәргән өчен түләүсез ала алачаклар.
Әгәр элек сез чит илгә посылка җибәргәнсез, ләкин ул ниндидер сәбәпләр аркасында кире кайткан булса, аны почта бүлегеннән алу өчен кире кайту тарифын түләргә, аннары компенсациягә гариза бирергә кирәк иде. Компенсация тулы күләмдә түләнде, ләкин Россия эчендә җибәрү бәясен чыгарып (әгәр җибәрү таможнядан яки авиация куркынычсызлыгы хезмәтеннән кире кайтарылган булса). Гадәттә, чит илдән кайту очрагында компенсация каралмаган.
Хәзер бу кагыйдә гамәлдән чыгарылды. Теләсә кайсы шартларда клиент кире кайткан җибәрүне бушлай ала. Яңалык 1 августтан гамәлдә һәм ул «Кечкенә пакет», «Халыкара посылка» һәм «Халыкара EMS» продуктларына кагыла.
Россия Почтасының төбәк идарәсе директоры Илнур Мәхмүтов сүзләренә караганда, кире кайтаруларның сәбәпләре төрле булырга мөмкин. Мәсәлән, декларация дөрес тутырылмаган яки анда шәхси имза булмаса, җибәрүне Россия таможнясыннан кире кайтара алалар. Авиация иминлеге хезмәте очкычта ташу тыелган товарлар белән посылканы үткәрмәскә мөмкин (җиңел кабынып китә торган сыеклыклар, басым астындагы баллоннар һ.б.). Барачак илнең таможнясы дәүләт территориясенә кертү рөхсәт ителмәгән эчтәлекле җибәрүләрне кире кайтара. Чит ил почта хезмәте адресы аңлашылмый торган яки җирле бүлектә саклау вакыты чыккан посылкаларны һәм кечкенә пакетларны кире җибәрә.
Чит илгә җибәрүләрне уңышлы итеп тапшыру өчен почта декларациясен игътибар белән тутыру бик мөһим, һәрвакыт посылкаларның эчтәлеге транспортировкага — аерым алганда, очкыч белән — рөхсәт ителгән булуына һәм аларның билгеләнгән илгә кертелүенә инану кирәк.