Минзәлә районында яшь буынның иминлеге хакында кайгырталар.
Бүгенге көндә районда үсеп килүче буынны яклауга юнәлдерелгән "Үсмер" комплекслы профилактик операциясенең өченче этабы уза.
2025 елда балигъ булмаганнар өчен комендант сәгате:
1 сентябрьдән 31 майга кадәр: 16 яшькә кадәрге балаларга 22:00 дән 06:00 гә кадәр урамда олылар озатуыннан башка булу тыела.
1 июньнән 31 августка кадәр (җәйге каникуллар): комендант сәгате 23:00дән 06:00гә кадәр гамәлдә.
Балигъ булмаганнарның күрсәтелгән вакытта өйдән тыш өлкәннәр озатуыннан башка булуы Татарстан Республикасының 2010 елның 14 октябрендәге № 71-ЗРТ «Татарстан Республикасында балаларның сәламәтлегенә зыян китерүне кисәтү, аларның физик, интеллектуаль, психик, рухи һәм әхлакый үсешенә зыян китерүне кисәтү чаралары турында»гы канунын бозу булып тора.
Полиция хезмәткәрләре һәм профилактика органнары әлеге кагыйдәләрнең үтәлешен контрольдә тота. Балаларыгызның кайда һәм кем белән вакыт уздыруларын контрольдә тоту мөһим, бигрәк тә кичке һәм төнге сәгатьләрдә. Исегездә тотыгыз, караңгы вакытта урамда булу куркыныч булырга мөмкин. «Ә сезнең балалар 23 сәгатьтә өйдәме?» соравына һәр ата-ананың җавабы бертөрле булырга тиеш: «Әлбәттә, өйдә».
«Үсмер» операциясе кысаларында түбәндәге чаралар үткәрелә:
— Җәмәгать урыннарына патрульгә чыгу: полиция хезмәткәрләре һәм профилактика белән шөгыльләнүче башка субъектлар ишегалды территорияләрен, паркларны һәм яшьләр күп җыела торган урыннарны, шулай ук алкоголь продукциясе сатыла торган сәүдә нокталарын тикшерәләр. Бу үсмерләр тарафыннан да, аларга карата да кылынган хокук бозуларны булдырмау өчен эшләнә.
— Юл хәрәкәте инспекторлары белән профилактик әңгәмәләр: районның яшь кешеләренә юл хәрәкәте кагыйдәләрен үтәүнең мөһимлеген искә төшерәләр, аларда юлда имин тәртип формалаштыралар.
— Исәптә торучылар белән эш: балигъ булмаганнар һәм аларның законлы вәкилләре, балигъ булмаганнар эшләре буенча бүлектә профилактик хисапта торучылар тикшерелә.
— Яман гадәтләр һәм җаваплылык турында мәгълүмат бирү: полиция хезмәткәрләре үсмерләр белән наркотиклар, алкоголь һәм тәмәке зыяны турында сөйләшүләр үткәрә, шулай ук җинаятьләр һәм хокук бозулар, мәсәлән, вак урлашу һәм хулиганлык өчен җаваплылык турында аңлаталар.
— Кибериминлек: интернетта иминлек кагыйдәләренә аерым игътибар бирелә, социаль челтәрләрдә һәм мессенджерларда аралашуны да кертеп, шулай ук законсыз табышлар белән бәйле җинаятьләр өчен җаваплылык.
Уртак көчләр белән һәр бала өчен Минзәлә районында имин һәм бәхетле балачак тәэмин итәргә мөмкин.