1 августтан Россия Социаль фонды иминият пенсияләренә гаризасыз исәп-хисап ясаячак

  1 августтан Россия Социаль фонды эшләүче пенсионерларның иминият пенсияләренә гаризасыз исәп-хисап ясаячак.

 

 Пенсиягә өстәмә түләүне 2024 елда рәсми төстә эшләүләрен дәвам иткән, эш бирүчеләр алар өчен иминият взносы түләгән пенсионерлар алачак.

«Процессны максималь гадиләштерү өчен без мөмкин булганның барысын да эшләдек. Гражданнарга беркая да мөрәҗәгать итәргә кирәкми - барлык тиешле түләүләр август аенд билгеләнгән график нигезендә кабаттан исәпләнгән пенсиянең арткан суммаларын исәпкә алып автомат рәвештә түләнәчәк", - дип билгеләп үтте Россия Социаль фонды рәисе. -  Алдагы елларда да эшләүче пенсионерларның пенсияләре, эшләмәүче пенсионерларныкы кебек, ел саен индексацияләнсен. бу мөһим".

         Иминият взнослары суммасы хезмәт хакына бәйле, шунлыктан һәр эшләүче пенсионерның өстәмә түләве түләүгә карата билгеләнгән пенсия коэффициенты бәясеннән чыгып, индивидуаль булачак.

Максималь рәвештә өч пенсия коэффициенты алу мөмкин. 

      Июль аенда 80 яше тулган гражданнар, 80 яше тулган көннән башлап, иминият пенсиясенә икеләтә күләмдә билгеләнгән түләү алачаклар - төп 8 907,7 сум урынына 17 815,4 сум түләнәчәк.

       Әгәр пенсионер агымдагы елның июлендә I төркем инвалидлык алган икән, аңа шулай ук бу группа билгеләнгән көннән билгеләнгән түләү күләме кабаттан исәпләнәчәк. Билгеләнгән түләү күләме

8 907,7 сум.

80 яше тулган гражданнарны һәм I группа инвалидларны караган өчен  өстәмә түләү билгеләнә: 

 иминият пенсиясенә – 1 314 сум күләмендә, дәүләт пенсиясенә – 1377 сум. Ике өстәмә түләү дә быел кертелгән: 1 гыйнвардан һәм 1 апрельдән. Алга таба алар ел саен индексацияләнәчәк. Бу өстәмәләргә хокукны июль аенда алучылар, шулай ук август аеннан ала башлаячаклар.

        Әмма шуны да истә тотарга кирәк, пенсиягә өстәмәләр бары тик бер генә нигезләмә буенча түләнә.

Мисал өчен, әгәр I группа инвалидка 80 яшь тула икән, аңа яшь өчен өстәмә акча түләнми, чөнки ул икеләтә күләмдә билгеләнгән түләүне һәм караган өчен өстәмәне ала.

Балачактан I группа инвалид булганнарга караган өчен акча түләнми, чөнки ата-аналар яки опекуннар аларны карауга бәйле рәвештә пенсиягә ай саен өстәмә түләү алалар.

Исегезгә төшерәбез, Россия Социал фонды 2025 елның 1 гыйнварыннан эшләүче пенсионерларның пенсияләренә индексацияне кабаттан башлады.