Минзәләнең яшь кадеты хайваннарга булыша.
Аның «Кадетский ЭКО-ДВИЖ: Крышки для хвостиков» исемендәге проекты экспертлар игътибарын җәлеп итте һәм күпләргә ошады.
Проектның асылы гади һәм шул ук вакытта гениаль: алга таба эшкәртү өчен пластик бөкеләр җыю. Әмма максат изге - табигатькә һәм дүрт аяклы дусларга ярдәм итү. Эшкәртелгән бөкеләр өчен түләнгән акчага яш кадет хуҗасыз хайваннарга азык сатып ала.
«Мин хайваннарны бик яратам, — ди Адель. — Без әнием белән саф һавада йөргәндә, дүрт аяклы дусларыбызга азык сатып алабыз һәм аларны сыйлыйбыз».
Остазы Надежда Витальевна Пермякова, «Экопроект» конкурсы турында сөйләгәч, Адельдә бу идея кызыксыну уята. "Минем шунда ук катнашасым килде", - дип сөйли кадетчы. - Мин алга таба да дүрт аяклы дусларга ярдәм итү өчен конкурсларда катнашачакмын, әнием исә миңа ярдәм итәргә һәрчак әзер".
Аның энтузиазмы бәяләнә — Адель, махсус призга лаек булып, җиңүче була!
Дөрестән дә, Адельнең әнисе Алсу Дөлфәт кызы - улының тугры ярдәмчесе һәм барлык башлангычларны хуплаучы. Алар бергәләп бу дөньяны чистарак һәм матуррак итүгә үз өлешләрен кертәләр.
Конкурсларда катнашырга көч һәм дәрман биреп торган остазы Надежда Пермяковага Адель чиксез рәхмәтле.