Әлфия Когогина: алимент түләмәүчеләр реестрын булдыру балаларның иминлеген тәэмин итүгә юнәлдерелгән
Дәүләт Думасы алимент түләмәүчеләрнең явыз реестрын булдыру турында закон проектын беренче укылышта кабул итте.
РФ Дәүләт Думасы депутаты, Кече һәм урта эшкуарлык комитеты рәисенең беренче урынбасары Әлфия Когогина: «Инициатива балаларның иминлеген тәэмин итүгә юнәлдерелгән һәм алимент йөкләмәләрен үтәү һәм бозучылар өчен катырак җәза кертү буенча нәтиҗәлерәк чаралар күрү кирәклеге белән бәйле», - дип аңлатма бирде.
Реестрга Федераль суд приставлары хезмәте сайтында административ һәм җинаять җаваплылыгына тартылган, шулай ук эзләнүдә булган бурычлы кешеләр турында мәгълүмат кертеләчәк. Алимент буенча барлык йөкләмәләрне тулысынча түләгәннән соң, реестрдан алып ташлау мөмкин булачак. Исемлекне пенсия һәм социаль иминият фонды белән үзара хезмәттәшлектә ФССП төзиячәк һәм тулыландырачак.
Әгәр закон тулысынча кабул ителсә, ул рәсми рәвештә басылып чыккан көннән соң 270 көн узгач үз көченә керәчәк.