Сукырлар җәмгыятенең Минзәлә җирле бүлегендә бәйрәм чарасы узды
Чара Халыкара сукырлар көненә багышланган, ул 13 ноябрьдә билгеләп үтелә.
Бөтенроссия сукырлар җәмгыяте Россиядә 1925 елда барлыкка килә. Ә җәмгыятьнең Минзәләдәге җирле бүлеге 1930 елда оешкан һәм бүген ул мәдәни мирас йортында клуб оешмасы буларак актив эшчәнлек алып бара. Оешма белән Фидалия Шәймәрданова җитәкчелек итә.
Бәйрәм чарасы Мәдәни мирас йортының актлар залында узды. Җыелганнар алдында район социаль яклау бүлеге башлыгы Татьяна Мясникова, ветераннар советы җитәкчесе Фиразия Сафиуллина һәм Фидалия Шәймәрданова чыгыш ясады.
Минзәлә педагогика көллиятенең педагогика-психология сыйныфлары укучылары, студентлары сукырлар җәмгыяте әгъзаларына җырлар һәм биюләр белән концерт программасы тәкъдим иттеләр.
Шулай ук бәйрәм чарасында 2023 елда туган көннәрен — түгәрәк даталарын билгеләп үткән җәмгыять әгъзаларын хөрмәтләделәр. Алар арасында Зоя Кривова да бар, аңа 10 ноябрьдә 90 яшь тула. Зоя Гурьевна 3 нче балалар бакчасында тәрбияче булып эшли.
- Бу бина, анда бүгенге бәйрәм уза, аңа алып баручы сукмак, аның диварлары миңа бик таныш һәм кадерле. Мин бу бинада урнашкан балалар бакчасында 30 елдан артык эшләдем. Мин үз эшемне яратып башкардым. Балалар нинди генә булмасын: алар җитезме яки тыңламаучанмы-аларны чын күңелдән яратырга кирәк, - диде ул, үзенең эш елларын искә төшереп.
Бәйрәмгә килгән Равия Калининның тагын бер юбиляры җәмгыять җитәкчесе Фидалия Шәймәрданова кулыннан туган көненә бүләк алды. Бәйрәмгә килә алмаган юбилярларны исә өйләрендә котлаячаклар.
Юбилярлар өчен бүләкләр алуда, бәйрәм өстәле әзерләүдә Алексей Юдин, Илзира Вәлиева һәм Елена («Зимушка»кибете) зур ярдәм күрсәттеләр.
Сан
Сукырлар җәмгыятенең Минзәлә җирле бүлеге өч районны берләштерә: Актаныш, Минзәлә һәм Мөслим. Бүгенге көндә җәмгыятьтә күрү сәләте буенча инвалид 160 кеше исәпләнә.