Минзәлә районы игенчеләре тиз темпларда эшлиләр
«Калморза» хуҗалыгының алдынгы механизаторы Зиннур Гыйльфанов (фотода) быел да үз эшен намус белән башкаруын дәвам итә. Быел оста механизатор 1 мең гектарга якын төрле культуралар чәчәргә өлгергән инде.
Бүгенге көндә район буенча иртә язгы культураларны чәчү планы 30,8 процентка, ә республика буенча 29 процентка үтәлгән. Шулай да, яхшы һава торышы булганда чәчү темпларын арттырырга кирәк.
Район хуҗалыкларында көзге культураларны, күпьеллык үләннәрне тукландыру тәмамланган, дымны 100 процентка ябу башкарылган. Район буенча язгы бодай-7097, борчак-1076, язгы бодай-845, Сабан-127 гектар чәчелгән. "Минзәлә таңнары" агрофирмасының "Кадрәк" җитештерү комплексы 1006 гектарда шикәр чөгендере чәчте.. Сидераль пар өчен 424 гектар чәчелгән. "Аняк" агрофирмасының Мушуга бүлекчәсе игенчеләре 319 гектарда горчица чәчүне тәмамладылар. "Август" компаниясенең Минзәлә ОСП игенчеләре 1850 гектарда көнбагыш чәчкәннәр. "Калморза" хуҗалыгында арпа, борчак, сабан чәчүне тәмамладылар, бу хуҗалыкның игенчеләре планлаштырылган 1550 гектар рапсның яртысын чәчтеләр. Район буенча берьеллык үләннәр чәчү планы 83 процентка үтәлгән.