Әлфия Когогина: кабул ителгән инициатива илебез автомобиль җитештерүчеләренә басымны киметергә мөмкинлек бирәчәк
Дәүләт Думасы 2033 ел ахырына кадәр автопром өлкәсендә махсус инвестиция контрактының гамәлдә булу вакытын озайтырга мөмкинлек бирүче закон проектын икенче һәм өченче укылышта кабул итте.
Дәүләт Думасы депутаты, Кече һәм урта эшкуарлык комитеты рәисенең беренче урынбасары Әлфия Когогина: «Ватан автомобиль сәнәгате – дустанә булмаган илләрнең санкцияләре аркасында зыян күргән тармакларның берсе, нәтиҗәдә, тәэмин итү чылбыры шактый бозылган, логистика белән җитди проблемалар барлыкка килгән. Контрагентлар икенчел санкцияләргә эләкмәс өчен безнең җитештерүчеләр белән эшләүдән куркалар. Мондый шартларда автомобиль җитештерүчеләр өчен критик технологик операцияләрне үзләштерү һәм продукцияне тирән локальләштерүгә ирешү буенча махсус инвестиция контрактлары кысаларында алынган йөкләмәләрне үтәү кыенлаша. Без кабул иткән инициатива автомобиль җитештерүчеләргә басымны киметергә һәм контракт төзелгән дәрәҗәдә инвесторга карата законнарны куллануны озайтырга мөмкинлек бирәчәк, һәм бу, һичшиксез, тармак үсешенә ярдәм итәчәк.
Белешмә. Махсус инвестиция контракты (СПИК) – Россиядә сәнәгать җитештерүенә инвестицияләрне стимуллаштыруга юнәлдерелгән сәнәгать сәясәте коралы. Инвестор дәүләт белән килешү төзи, анда инвесторның инвестиция проектын гамәлгә ашыру һәм дәүләтнең бизнес алып бару шартларының тотрыклылыгын тәэмин итү һәм дәүләт ярдәме чараларын бирү йөкләмәләре теркәлә.