“SUNNYFEST " креатив чаналар фестивале
2023 елның 11 нче февралендә 10.00 сәгатьтә “SUNNYFEST" Бөтенроссия креатив чаналар фестивале узачак. Командалардан гаризалар 6 нчы февральгә кадәр кабул ителәчәк, катнашуга гаризаны sunny-fest@mail.ru электрон почта адресына җибәрергә кирәк. Гадәттәгечә, Совет урамында боз трассасы төзеләчәк.
SUNNYFEST креатив чана фестивале - кышкы фестиваль, ул традицион таудан шууны креатив эшләнгән чаналар белән берләштереп, 7500 дән артык кешене үзенә җәлеп итә.
Быел катнашучы командалар арасында дүрт номинациядә җиңүчеләр һәм призерлар билгеләнәчәк: Гран-при, Мамадыш муниципаль районы башлыгының махсус призлары, тамашачылар мәхәббәте. Командалар дипломнар, истәлекле бүләкләр һәм премияләр алачак. Акчалата бүләкләү күләме, тиешле урынга карап, 7 меңнән 10 мең сумга кадәр үзгәрә. Гран-при иясенә 30 мең сум акчалата бүләк биреләчәк. Барлык командалар да катнашучы дипломнары белән бүләкләнәчәкләр.