23 миллион россияле булачак пенсия турында актив белдерүләр алды
Пенсия фонды ел башыннан россиялеләргә картлык буенча булачак иминият пенсиясе күләме турында 23 млн актив белдерү юллаган. Мондый мәгълүматлар шәхси кабинетка 45 яшькә җиткән ир-атларга һәм 40 яшьлек хатын-кызларга дәүләт хезмәтләре порталында кергән.
Пенсия фонды хәбәреннән гражданнар үзләренең иминият стажын һәм хәзерге вакытта эшләгән пенсия коэффициентлары санын белә ала. Белешмәләрдә шулай ук әлеге күрсәткечләр буенча исәпләнгән пенсия күләме дә бар. Иминият пенсиясе турындагы мәгълүматлардан тыш, хәбәрнамәдә шулай ук пенсия тупланмалары күләме күрсәтелгән.
Бу мәгълүмат ярдәмендә россиялеләрнең эш бирүчеләр биргән мәгълүматларны тикшерү һәм пенсия хокукларын алдан бәяләү мөмкинлеге бар.
Киләсе елдан гражданнар Россия социаль фондыннан пенсия турында актив хатлар ала башлаячак. Яңа ведомство Пенсия фонды һәм социаль иминият фондын берләштерү нәтиҗәсендә барлыкка киләчәк һәм бүген ике фонд компетенциясенә караган барлык функцияләрне үтәячәк.