Муса Җәлил исемендәге Минзәлә педагогика көллиятендә "Әдәби табышмак"республика конкурсы уздырды
Конкурста республиканың 12 һөнәри белем бирү оешмасы студентлары һәм укытучылары катнашты.
Кунакларны Минзәлә педагогика көллияте директоры Ренат Ибраһимов сәламләде. Ул билгеләп үткәнчә, аларның уку йортында еш кына конкурслар уза, мондый чаралар аралашу, тәҗрибә уртаклашу өчен кирәк. Конкурсны Казан федераль университетының Алабуга институтының татар филологиясе кафедрасы доценты, филология фәннәре кандидаты Гомәр Даутов рәислегендә жюри бәяләде.
Чара бай эчтәлекле һәм күңелле үтте, Төрле эш алымнары да кертелде. Биремнәрнең күбесе татар язучыларының тормышына һәм иҗатына багышланган иде. Студентлар да, җитәкчеләр дә биремнәрне бик яхшы башкардылар.
Нәтиҗәдә 1 урынны Муса Җәлил исемендәге Минзәлә педагогика көллияте алды. һәм Казан нефть химиясе көллияте. В. П. Лушникова.
2 урын Минзәлә авыл хуҗалыгы техникумы һәм Чаллы технология техникумы.
3 урында Әлмәт политехник техникумы, Чаллы педагогика көллияте, Казан педагогика көллияте. Башка командалар төрле номинацияләрдә бүләкләнде.
