Татарстан Президенты Минзәләдә видеоэлемтә буенча яңа футбол манежын ачты

2022 елның 6 декабре, сишәмбе

Бүген республикада Татарстан Республикасы Президенты Рөстәм Миңнеханов катнашында берьюлы 3 футбол манежы ачылды. Биектау районында узган тантаналы чарада ул шәхсән катнашса, минзәләлеләрнең һәм буалыларның шатлыгын ул видеоэлемтә аша уртаклашты.

- Татарстанда һәр муниципаль районда ябык футбол манежы булдырылачак программа бар, - диде Президент һәм урыннарда әлеге спорт төрен үстерү буенча системалы эш алып барылырга тиешлеген ассызыклады.

“Минзәлә" нең яңа манежын ачу тантанасында район башлыгы Айдар Сәлахов һәм ТР Дәүләт Советының Экология, табигатьтән файдалану, агросәнәгать һәм азык-төлек сәясәте комитеты рәисе Азат Хамаев катнашты. Айдар Сәлахов Президентка барлык минзәләлеләр исеменнән яңа футбол манежы өчен рәхмәт белдерде.

- Безнең районда футбол традицияләре бик көчле, без бу традицияләрне сакларга, үстерергә тиеш. Бу манежда чемпионнарны тәрбияләрләр дип өметләнәбез, - диде ул тантаналы чарага килгән кунакларга мөрәҗәгать итеп.

Азат Хамаев минзәләлеләрне әлеге шатлыклы вакыйга белән котлады һәм биредә спорт яратучы төрле яктан үсеш алган шәхесләр тәрбияләүләрен теләде.

Әлбәттә, мондый тантана бүләкләрсез тулы түгел. Республика җитәкчелеге, район башлыгы Айдар Сәлахов исеменнән "Олимп" (аңа футбол манежы керә) АКШ директоры Чулпан Харисовага акчалата сертификатлар тапшырылды. Шулай ук әлеге манежны төзегән "Универсал" ҖЧҖ генераль директоры Ленар Гарипов 30 комплект форма бүләк итте.

Минзәлә районы Башлыгының Рәхмәт хатына Константин Сирик, Айнур Хәбибрахманов, Камил Шәңгәрәев, Андрей Полосин, Ленар Гарипов, Рәсим Габдрахманов, Виталий Рубцов лаек булды.

Физик культура һәм спорт үсешенә керткән өлеше өчен "Олимп" командасы тренеры Рөстәм Саранов, ә Нина Мильчакова, Гөлчәчәк Бочкарева, Александр Еньков һәм Айрат Булатов Минзәлә районы Башлыгының Рәхмәт хатына лаек булды.

2005 елда туган Минзәлә районы командасы (тренер-Рөстәм Саранов) күптән түгел мини-футбол буенча Татарстан Республикасы беренчелегендә 3 нче урынны алды. "МС Билдингс" ҖЧҖ вәкиле бу команда уенчыларына акчалата бүләкләр тапшырды.

Тантананы "Юбилейный" спорт мәктәбенең аэробика бүлегендә тәрбияләнүчеләр (тренер-Лилия Яруллина) үзләренең югары дәрәҗәдәге чыгышлары белән бизәделәр. Барлык кунакларны 11 нче номерлы "Шатлык"балалар бакчасы манежы янында урнашкан балалар бакчасыннан кунакка килгән сабыйларның шигырьләре сөендерде.

сан

"Минзәлә" футбол манежында 2014 елдан башлап 2005 елга кадәр туган 90 яшь футболчы шөгыльләнәчәк.

http://menzela.ru/news/tema-dnya/prezident-tatarstana-otkryl-po-videosviazi-novyi-futbolnyi-manez-v-menzelinske