Муса Җәлил исемендәге Минзәлә педагогика көллияте хәбәр итә

2022 елның 3 ноябре, пәнҗешәмбе

Бүген, 2022 елның 3 ноябрендә, «Муса Җәлил исемендәге Минзәлә педагогика көллияте» базасында, гадәттәгечә, Татарстан Республикасы һөнәри белем бирү оешмаларының 1-2 нче курсларында рус телле студентлар арасында татар теле буенча республика олимпиадасы узды.
Катнашучыларның географиясе киң иде.  Олимпиадада катнашу өчен барлыгы 24 команда гариза биргән. Педагогик секторда – 5, авыл хуҗалыгы өлкәсендә – 6, икътисадның реаль секторында 13 команда тәкъдим ителде.  
Олимпиаданың ачылышы Минзәлә педагогика көллияте студентлары катнашында театральләштерелгән чарадан башланды.  Конкурсантлар 3 турда көч сынашты, иң яхшылары финал турына үтте.
Олимпиада нәтиҗәләре буенча түбәндәге призерлар һәм җиңүчеләр билгеләнде:
Педагогика секторы
1 урын - "Г. Тукай исемендәге Арча педагогика көллияте "," Муса Җәлил исемендәге Минзәлә педагогика көллияте"
2 урын - " Казан педагогика көллияте»
3 урын - "Түбән Кама педагогика көллияте"
"Интеллектуаль потенциал" номинациясе - "Чаллы педагогика көллияте"

Авыл хуҗалыгы секторы
1 урын -  Чистай авыл хуҗалыгы техникумы
2 урын - «Минзәлә авыл хуҗалыгы техникумы»
3 урын - " Алексеевск аграр көллияте»

Икътисадның реаль секторы
1 урын - "Чаллы технология техникумы"
2 урын - " Казан төзелеш, архитектура һәм шәһәр хуҗалыгы колледжы»
3 урын - «Әлмәт политехник техникумы»
«Татар теленә хөрмәт өчен» номинациясе - «Н.В. Лемаев исемендәге нефть химиясе һәм нефть эшкәртү колледжы»
"Креатив фикерләү" номинациясе-Яр Чаллы политехник көллияте
Җиңүчеләрне һәм призерларны котлыйбыз!
Барлык укытучыларга да республика масштабындагы чараны оештыруда һәм үткәрүдә актив катнашулары өчен рәхмәт белдерәбез!