Минзәлә районы комбайнчылары экваторга якынлаша
Район авыл хуҗалыгы һәм азык-төлек идарәсенең оператив мәгълүматларыннан күренгәнчә, барлыгы 21445 гектар ашлык суктырылган.
Бу-урып-җыю мәйданының 48,8% ы. Район хуҗалыклары һәм КФХлары беренче 100 мең тонна бөртекле һәм кузаклы культуралар җыеп алдылар. Уртача уңыш гектардан 49,7 центнер тәшкил итә. Кичә" Август" компаниясе карамагындагы Минзәлә ОСП хуҗалыгы механизаторлары 6 мең гектарга якын көзге бодай суктырдылар, һәр гектардан уртача 57,1 центнер ашлык җыеп алынды. Бүген бу хуҗалык игенчеләре рапс суктыруга керештеләр, уңыш гектарыннан уртача 28 центнер тәшкил итә. "Калморза" хуҗалыгы игенчеләре районда беренчеләрдән булып язгы бодай суктыра башладылар һәм 1150 гектардан артык суктырдылар, уңыш гектарыннан 58,2 центнер тәшкил итә. Бу хуҗалык уңышның 62 процентын җыеп алды.15 августта район басуларында 92 комбайн эшләде, шуларның 74е-хуҗалыклар, 18е-фермерларга карый. Суктырылган басуларда салам җыю дәвам итә, барлыгы 4447 тонна салам рулоннарда төгәлләнгән.