Минзәләдә тыл хезмәтчәнен 90 яшьлек юбилее белән котладылар
Минзәлә муниципаль районында озак яшәүчеләрне, ветераннарны, тыл хезмәтчәннәрен аларның тормышларындагы әһәмиятле даталар белән котлау күркәм традициягә әверелде.
Юбилей датасын Минзәлә шәһәрендә яшәүче Бөек Ватан сугышы ветераны - тыл хезмәтчәне Кукаркина Анна Николаевна билгеләп үтә. Бүген, 29 июльдә, аңа 90 яшь тулды. Анна Николаевна Минзәлә районының Белопахотное авылында туа. Хезмәт эшчәнлеген колхозда башлый, төрле эшче булып эшли. 1948 елда Пермь өлкәсенең Кизил шәһәренә күчеп китә, шахтада эшли. Аннан Чайковский шәһәренә күченә. Чайковский ТЭЦында моторист булып эшли һәм аннан пенсиягә китә. 2015 елда Минзәлә шәһәренә күчеп килә. Анна Николаевна «1941-1945 еллардагы Бөек Ватан сугышында фидакарь хезмәт өчен» медале белән бүләкләнде, күпсанлы грамоталар һәм Рәхмәт хатлары бар. Анна Николаевна-бик зур эшчәнлек, намуслылык белән аерылып торган кеше үрнәге. Ул һәрвакыт хезмәт батырлыгына үрнәк булып тора, шул рәвешле хөрмәт казана.
Хөрмәтле Анна Николаевна!
Туган көнегез белән ихлас котлауларны һәм иң изге теләкләрне кабул итегез.
Без сезнең буын – Бөек Ватан сугышының авыр сынаулары аша үткән геройлар һәм җиңүчеләр буыны белән горурланабыз,һәркем үз өлешен кертте, чыннан да, җиңүгә бәһасез өлеш кертте. Бу батырлык гасырлар буена сакланачак һәм һәрвакыт патриотизм, әхлаклылык, бурычка тугрылык үрнәге булачак.
Сезгә нык сәламәтлек, иминлек, озын гомер, яхшы кәеф, игътибар һәм тормыш сөючәнлек телибез.
Хөрмәт белән
Минзәлә муниципаль район башлыгы
А. Ф. Сәлахов