Үзмәшгуль гражданнарга пенсия ничек исәпләнә?

РПФның Минзәлә районында Клиентлар хезмәте җитәкчесе Алсу Ганиева җавап бирә.

- Ул үзмәшгуль гражданинның РПФна иминият взносларын түләвенә-түләмәвенә карап исәпләнә. Гомуми кагыйдә буенча үзмәшгуль гражданнар Пенсия фондына иминият взносларын түләүдән азат ителә, аларга пенсия коэффициентлары һәм иминият стажы исәпләнми. Әмма әгәр дә үзмәшгуль гражданин ирекле пенсия иминияте буенча хокукый мөнәсәбәтләргә керә һәм мөстәкыйль рәвештә иминият взносларын түли икән - бу чорлар стажга кертелә һәм түләнгә взносларга карап, шәхси пенсия коэффициенты билгеләнә.