Тәрбияләгән өчен түләүгә кемнәр хокуклы
Шәһәр һәм район халкыннан хезмәткә яраксыз гражданнарны тәрбияләгән өчен түләүләр билгеләү шартлары турында мөрәҗәгатьләр күп булу сәбәпле, Минзәлә районында Клиентлар хезмәте аңлатмалар бирә.
1200 сум күләмендәге компенсация түләүләре 1 төркем инвалидларга - эшкә сәләтсез гражданнарны; дәвалау учреждениесе билгеләмәсе буенча даими чит кеше тәрбиясенә мохтаҗ карт кешеләрне; 80 яше тулган гражданнарны тәрбияләүче эшкә сәләтле эшләмәүче гражданнарга билгеләнә.
Түләүләр шулай ук 18 яшькә кадәр инвалид бала яисә 1 төркем балачактан инвалид кешеләрне караган өчен эшләмәүче хезмәткә яраклы гражданнарга билгеләнә. Ата-анага яисә опекунга 10 000 сум, башка затларга 1200 сум түләнә.
Әлеге категория гражданнарны тәрбияләгән чор иминият стажына кертелә: тәрбияләгән һәр ел өчен ярдәмче 1,8 пенсия коэффициенты ала.