Пенсия турында сорауларыгыз булса - РПФна арадашчыларсыз мөрәҗәгать итегез
Пенсия фондына үзләрен юридик оешма вәкилләре дип атаучы фирма вәкилләренең шалтыратуы һәм пенсияне исәпләүнең дөреслеген тикшерү буенча хезмәтләр тәкъдим итү турында пенсионерлардан хәбәрләр килә.
Соңгы елларда РПФның территориаль органнарына коммерцияле оешмалар тарафыннан гражданнар исеменнән төзелгән пенсия күләмен кабаттан исәпләү турында бертөрле язмача мөрәҗәгатьләр керде. Барлык мөрәҗәгатьләр бер шаблон буенча язылган һәм еш кына конкрет вәзгыятькә карамаган кануннарга гади, күп биттән торган сылтамалардан гыйбарәт.
Гражданнар андый гаризалар төзү буенча хезмәтләргә акча түлиләр, мөгаен, ә Пенсия фондыннан җавап алгач, аларга пенсиянең канун нигезендә билгеләнүе яисә өстәмә түләүләр каралмавы турында беләләр.
Гражданнарны игътибарлырак булырга һәм үзләрен һәм өлкән туганнарын ялгыш юлга кертмәскә чакырабыз. Үз акчаларыгызны саклагыз!