Минзәләлеләр Әскать хәзрәт Габдуллин белән хушлаштылар
Минзәләлеләр кичә кинәт вафат булган Әскать хаҗи Габдулинны соңгы юлга озаттылар.
Шәһәрлеләр аның Минзәләдәге йорты янында хушлашканнан соң, мәрхүмнең васыяте буенча Тукай районы Таулар авылында, әти-әнисе һәм тормыш иптәше янәшәсендә җирләделәр.
Наил Хисамбиев,Минзәлә район башлыгы урынбасары:
- Әскать хәзрәт күренекле шәхсе иде. Ул якташларыбыз арасында, шул исәптән, яшь буын арасында агарту эше алып барды.
Рәмзил хәзрәт Садыйков, Минзәлә районы имам-мөхтәсибе:
- Әскать хәзрәт мәчетебезнең таянычы иде. Бу мөхтәсибәт өчен авыр югалту. Урыны оҗмахта булсын . Аның якты истәлеге йөрәкләребездә мәңге сакланыр.
Җәүдәт хәзрәт Харрас Тукай районы имам-мөхтәсибе:
- Минзәләдә эшләгән чорду ул тырыш, намусыл һәм якты күңелле кеше булып истә калды. Ул Минзәлә шәһәре халкы арасында динне тарату буенча зур эш башкарды.
http://menzela.ru/news/tema-dnya/menzelintsy-prostilis-s-askatom-khazratom-gabdullinym