Муса Җәлил исемендәге Минзәлә педагогия көллияте хәбәр итә

2020 елның 29 сентябре, сишәмбе

29 сентябрь көнне, Муса Җәлил исемендәге Минзәлә педагогия көллиятендә “Яңа социаль-икътисадый шартларда укучыларның һөнәри юнәлешенә заманча карашлар” исеме астында семинар уздырылды. Әлеге чарага Мөслим муниципаль районы Мәгариф идарәсе начальнигы Демидов Рафаэль Тимофей улы һәм аның урынбасарлары җитәкчелегендә район мәктәпләренең  уку-укыту һәм тәрбия эше буенча директор урынбасарлары чакырылды. Бу семинар кысаларында 4нче курс студентларына эш урыннары турында мәгълүмат бирелде һәм түбәндәге мәсьәләләр буенча чыгышлар ясалды:

• заманча профориентация (шартлар һәм таләпләр);
• профориентация буенча мәгълүмати якын килү һәм аны мәктәп кысаларында куллану;
• һөнәри юнәлеш бирү эшендә диагностик алым мөмкинлекләре: методлар, технологияләр һәм принциплар

Семинар ахырында икеяклы хезмәттәшлекнекамилләштерү өстендә эшне тагы да җәелдереп җибәрү юллары билгеләнде. Әлеге чара көллиятнең заманча җиһазландырылган лабораторияләренә һәм Муса Җәлил мемориаль музеена экскурсия белән төгәлләнде.