Пенсия яше алдындагы гражданинның статусын өйдән чыкмыйча раслау

2020 елның 7 сентябре, дүшәмбе

Россия Федерациясе законнары белән пенсия яше алдындагы гражданнар өчен ташламалар каралган: ел саен уздырыла торган диспансеризация узу өчен түләүле 2 көн, хезмәт мәшгульлегенең өстәмә гарантияләре, эшсезлек буенча югары пособие, һөнәри яктан кабаттан уку.

Мондый ташламалар иминият пенсиясен, шул исәптән вакытыннан алда билгеләнүче пенсияне билгеләргә 5 ел кала пенсия яше алдында торучыларга бирелә. 2020 елда 1968 елда туган һәм алардан өлкән хатын-кызлар һәм 1963 елда туган һәм алардан өлкән ир-атлар мондый ташламаларга ия.