Язгы чәчүне сыйфатлы һәм кыска срокларда уздыру зарури
Кичә һәм бүген иртән яңгырлар явып узды. Яңгырга чаклы керткән минераль ашламаның көзге культураларга һәм күпьеллык үләннәргә файдасы күп, хәзер керткән ашлама уңышка эшли башлады.
(Минзәлә, 13 апрель, “Минзәлә-информ”, Дилфас Галиев). Район авыл хуҗалыгы һәм азык-төлек идарәсеннән алынган мәгълүматлардан күренгәнчә хәзерге вакытта дым каплату, уҗымнарны өстәмә тукландыру, күпьеллык үләннәр басуларын тырмалау гомум төс алды. Район хуҗалыкларында көзге культуралар-8629, күпьеллык үләннәр 1236 гектарда тукландырылды, күпьеллык үләннәр-3099, көзге культуралар-4126 гектарда тырмаланган. Туңга сөрелгән җирләрдә дым каплату-33111 гектарда башкарылган. Район буенча 1100 гектарда иртә сабан культуралары чәчелде “Заиковский”да арпа-130, “Калморза” да арпа-600, борчак-250, солыны-50 гектарда җир куенына иңдерде. “Дәүләтов” КФХсы эшчәннәре кишерне-30, аш чөгендерен-10, суганны 20 гектарда чәчтеләр.
- Хәзер көзге культураларны, күпьеллык үләннәрне, туңга сөрелгән җирләрне тиз арада тырмалауны төгәлләү зарури. Хәзер төп максат- чәчү эшләрен дә тизләтеп, сыйфатлы итеп башкару, -ди район авыл хуҗалыгы һәм азык-төлек идарәсенең игенчелек буенча консультанты Равил Сәйфиев. Барлыгы хуҗалыкларда 5262 тонна орлык инкрустацияләнгән, шуның күпчелеге арпа орлыгы.
Район буенча барысы 36055 гектада бөртекле һәм бөртекле кузаклы культуралар чәчәсе бар.