Марат Җәббаров "Danone Россия" компаниясе генераль директоры Чарли Каппети белән сөйләшүләр уздырды.
22 октябрьдә ТР Премьер-министры - Татарстан авыл хуҗалыгы һәм азык-төлек министры Марат Җәббаров Мәскәүдә "Danone Россия" компаниясе генераль директоры һәм Россидә, БДБ, Төркия һәм Якын көнчыгышта сөт подразделениеләре вице-президенты Чарли Каппети белән очрашты.
Исегезгә төшерәбез, Danone компаниясе составына 16 завод. шул исәптән, Казанда "Данон Россия" АҖнең "Эдельвейс" Сөт комбинаты" филиалы керә. Республика территориясендә сөт комбинаты тәүлегенә 90-130 тонна чимал җитештерә (сезонга һәм ихтыяҗга бәйле рәвештә), даими нигездә 6 авыл хуҗалыгы предприятиесе эшли.
Очрашу барышында яклар ике як өчен дә файдалы хезмәттәшлек турында мәсьәләләрне хәл иттеләр.
«Татарстан – сөт җитештерү һәм сату, аны эшкәртү һәм башка төбәкләргә һәм илләргә җибәрү буенча Россиядә лидерлар рәтендә. бу төбәктә өстәмә бәяне калдыру мөмкинлеген тудыра", - диде Марат Җәббаров.
ТР Премьер-министры урынбасары Чарли Капеттига Татарстан Республикасы Президенты исеменнән Рәхмәт хаты тапшырды һәм компания җитәкчелеген Казанга чакырды.
ТР Авыл хуҗалыгы һәм азык-төлек министрлыгының матбугат хезмәте.