Әлфия Когогина: Кануннардагы үзгәрешләр социаль эшмәкәрләргә ярдәмнең системалы чараларын күрсәтү өчен кирәк.
26 июньдә Дәүләт Думасының Икътисадый сәясәт, сәнәгать, инновацияле үсеш һәм эшмәкәрлек буенча комитет утырышында "Россия Федерациясендә кече һәм урта эшмәкәрлекне үстерү турындагы Федераль законга үзгәрешләр кертү турында"гы Федераль закон проекты "социаль эшмәкәрлек", "Социаль предприятие" төшенчәләрен ныгыту өлешендә каралды.
Дәүләт Думасы депутаты, Икътисадый сәясәт, сәнәгать, инновацияле үсеш һәм эшмәкәрлек буенча комитет рәисе урынбасары Әлфия Когогина новеллага комментарий бирде:
«Исегезгә төшерәм, агымдагы елның 5 мартында без әлеге закон проектын беренче укылышта кабул иткән идек. Безнең Комитет оештырган парламент тыңлауларында Дәүләт Думасы депутатлары, Россия Хөкүмәте вәкилләре, иҗтимагый һәм һөнәри берләшмәләр әгъзалары, шулай ук социаль эшмәкәрләр - үз эшмәкәрлек сәләтләрен җәмгыятьнең социаль, мәдәни, белем бирү казанышлары өчен, табигатьне саклау максатларында файдаланучы кешеләр катнашты. Фикер алышу барышында икенче укылышка тәкъдим ителче төзәтмәләр, шулай ук социаль эшмәкәрлеккә ярдәмнең комплекслы системасын булдыру мөмкинлеге каралды».
Закон проекты Дәүләт Думасы Комитеты тарафыннан икенче укылышта кабул итәргә тәкъдим ителде.