Татарстан Росреестрында Иҗтимагый советның йомгаклау утырышы булды
Әлеге чарада Росреестрның Татарстан Республикасы буенча Идарәсе тарафыннан үткәрелә торган коррупциягә каршы сәясәт мәсьәләләре, шулай ук йөкләнгән функцияләрне үтәү буенча суд практикасы яктыртылды. Моннан тыш, Иҗтимагый совет эшенә йомгак ясалды һәм киләчәккә план билгеләнде.
Шулай итеп, Иҗтимагый совет әгъзаларына Коррупциягә каршы юнәлештәге идарә тарафыннан үткәрелә торган профилактик чаралар, шул исәптән федераль дәүләт гражданлык хезмәткәрләренең хезмәт тәртибенә карата таләпләрне үтәү һәм мәнфәгатьләр конфликтын җайга салу буенча даими нигездә эшли торган комиссия эше турында сөйләделәр. Иҗтимагый совет әгъзаларына Идарәдә тәүлек буе автомат режимда коррупциягә каршы көрәш мәсьәләләре буенча «Ышаныч телефоны» эшләвен искә төшерделәр.
Суд эшләрен анализлауга килгәндә, статистика 2018 елда Татарстан Росреестры катнашында башкарылган эшләрнең 96% идарә файдасына каралуын күрсәтә. Әлеге күрсәткечләр күрсәткәнчә, барлык мөрәҗәгать итүчеләр дә идарә гамәлләрен дәгъвалау турында гаризалар белән судларга мөрәҗәгать иткәнчегә кадәр апелляция комиссиясенә Дәүләт кадастр исәбен туктатып тору яисә бер үк вакытта дәүләт кадастр исәбе һәм хокукларны дәүләт теркәвенә алуны туктату очрагында беренчел мөрәҗәгать итү зарурлыгыннан гыйбарәт судтан тыш тәртипне үтәмиләр. Шуның нәтиҗәсендә судлар мондый гаризаларны канәгатьләндерүдән баш тарта. Моннан тыш, идарә һәрчак диярлек законлы нигез булган очракта, судта килеп чыккан бәхәсләрне судтан тыш җайга салуга әзер, шуңа бәйле рәвештә мөрәҗәгать итүчеләр еш кына судка мөрәҗәгать иткән гамәлләрне дәгъва итү турында судка бирелгән таләпләрдән (судка бирелгән гаризаларның якынча 20 проценты) баш тарта.
Шулай ук утырышта анкета нәтиҗәләре дә әйтелде, аның кысаларында сорауларга җавап бирүче дәүләт хезмәтләре күрсәтү шартларын һәм сыйфатын кадастр исәбенә гариза биргәндә һәм хокукларны теркәүдә бәяләде. Гомумән алганда, сораштыруда катнашучылар КФҮ ДБУ тарафыннан гариза бирүчеләрне кабул итү өчен булдырылган шартлар белән дә, дәүләт хезмәтләре күрсәтүнең сыйфаты белән дә канәгать.
Иҗтимагый совет эшчәнлегенә йомгак ясап, аның рәисе Динә Гайзатуллина быел җирле үзидарә органнарының эшне активлаштыруга аерым игътибар бирелүен билгеләп үтте. Киләсе елда бу юнәлеш буенча эш дәвам итәчәк, ләкин аның белән бергә Иҗтимагый совет әгъзалары кадастр инженерларының эшчәнлегенә дә игътибар итәргә карар кылдылар.
Утырыш ахырында Динә Гайзатуллина Иҗтимагый совет әгъзаларына башкарган эшләре өчен рәхмәт белдерде, алар, үз чиратында, киләсе елда үз эшчәнлеген тагын да зур энтузиазм белән дәвам итәргә әзер булуларын белдерделәр.
Матбугат хезмәте