Әлфия Когогина Дәүләт Думасының җиденче чакырылыш бишенче сессиясе тәмамлануын шәрехләде.
2018 елның йомгаклау пленар атнасы тәмамланды, утырыш барышында Дәүләт Думасы тарафыннан берничә мөһим закон проекты кабул ителде.
Өченче, соңгы, укылышта эчке роумингны юкка чыгара торган төзәтмәләр кабул ителде, бу үз туганнары, якыннары, бөтен Россия буенча хезмәттәшләре белән телефон аша сөйләшкәндә акчаны янга калдырырга мөмкинлек бирәчәк. Моннан тыш, цифрлы телевидение техник яктан башкарып булмый торган территорияләрдә яшәүче гражданнарга спутник телевидениесеннән бушлай файдалану мөмкинлеге биреләчәк, ә социаль яктан якланмаган гражданнар өчен спутник комплектларын сатып алу төбәк бюджеты акчалары хисабына компенсацияләнәчәк.
«Мәгариф турында» Федераль законга үзгәрешләр кертелде, ул ятим балалар өчен югары уку йортларына кабул итүгә ташламаларны озайта, шулай ук аларга мәктәп елларында ук әзерлек бүлегендә уку мөмкинлеге бирә.
Шулай ук күп фатирлы бер йортта ятим балаларга бирелә торган торак фатирларның санын 25 процент белән чикләүче закон проекты кабул ителде. Әлеге чара элек төзүчеләр, барлык торакларның социаль ихтыяҗларга тотылуын белеп, еш кына түбән сыйфатлы йортларны тапшырулары аркасында килеп чыккан.
Өченче укылыш җәмәгатьчелекне 8 ел көткән документ булып узды. Ул хайваннарны нинди дә булса сәбәп астында үтерүне, хайваннарны сугышлауны, бер җәнлекләрне башка җәнлекләргә котыртуны, алар белән рәхимсез мөгамәләне пропагандалауны тыя.
Финанс хезмәтләрен кулланучылар хокукларын яклаучы закон проекты кабул ителде: кулланучылар кредиты килешүе буенча исәпләнгән процент күләменә, шулай ук неустойка, штрафлар күләменә чикләү кертелә, кире кайтару срогы бер елдан артмый, – аларның гомуми суммасы кредитның ярым күләменнән артып китә алмый.
Кече һәм урта эшкуарлыкны үстерү корпорациясе тарафыннан КУЭ субъектлары йөкләмәләрен үтәүне тәэмин итү максатларында корпорация тарафыннан бирелгән бәйсез гарантияләр буенча йөкләмәләрне үтәү өчен федераль бюджеттан дәүләт ярдәме күрсәтүне күздә тоткан закон проекты өченче укылышта кабул ителде.
Дәүләт Думасының икътисад сәясәте, сәнәгать, инновацион үсеш һәм эшкуарлык комитеты тарафыннан әзерләнгән «Көндәшлекне яклау турында» Федераль законга төзәтмәләр бертавыштан кабул ителде. Новелла арендаторлар белән (конкурс яки аукцион үткәрмичә) дәүләт яки муниципаль милекне арендалау шартнамәләрен төзүнең гадиләштерелгән тәртибен (конкурс яисә аукцион үткәрмичә), мондый аренда килешүләре законның әлеге нигезләмәләре үз көченә кергәнче ничек төзелүенә карамастан, үз вазыйфаларын тиешенчә үтәгән арендаторлар белән кулланырга тәкъдим итә: сатулар үткәрү йомгаклары буенча яисә аларны үткәрмичә.
Җиденче чакырылыш бишенче сессия тәмамлануы, РФ Конституциясенең 25 еллыгы һәм Россия парламентаризмының 25 еллыгы белән депутатларны Россия Хөкүмәте Рәисе Дмитрий Анатольевич Медведев котлады. Ул бигрәк тә хөкүмәт һәм Дәүләт Думасы арасындагы хезмәттәшлекнең конструктив характерын, комитетлар утырышларында, парламент тыңлауларында, федераль министрлар катнашында «Хөкүмәт сәгатьләрендә» уртак эшен ассызыклады, анда депутатлар, төбәкләрдә, урыннарда вәзгыятьне белүгә таянып, агымдагы бурычларның нәтиҗәле чишелешләрен тәкъдим итәләр.