«Нефтяник»балалар бакчасының бәхетле балалары.

Оскар Уайльд: «балаларны яхшы итү – аларны бәхетле итү өчен иң яхшы ысул», - диде.

1 нче санлы «Нефтяник»мәктәпкәчә белем бирү учреждениесе тәрбияләнүчеләрен чын-чынлап бәхетле дип атарга мөмкин. Матур, иркен һәм уңайлы балалар бакчасына өч яшьтән җиде яшькә кадәр 140 бала йөри. Балалар бакчасы тәрбиячеләре заман белән бергә атлыйлар: агымдагы елның сентябреннән монда инновацион проектлар гамәлгә ашырыла.

Шушы көннәрдә балалар бакчасында Инглиз теле, лего-конструкцияләү буенча ачык дәресләр, аэробика, ком терапиясе буенча мастер-класс һәм юл хәрәкәте кагыйдәләре буенча театральләштерелгән тамаша узды.

Шушы кыска вакыт эчендә балаларның нәрсәгә өйрәнүләрен карарга мәртәбәле кунаклар: район башлыгы урынбасары Камил Нәҗмиев, район башкарма комитеты җитәкчесенең социаль мәсьәләләр буенча урынбасары Нэля Бикеева килделәр. 1 нче санлы «Нефтяник» балалар бакчасы педагоглары тәҗрибәсен районның балалар бакчалары мөдирләре үзләштерде.

Кунакларны әзерлек төркеме балалары татар һәм рус телләрендә сәламләде. Шигырьләрдә алар үз балалар бакчасы турында сөйләделәр.