Кадастр бәясе белән килешмәгән очракта нишләргә?
Татарстан Республикасы буенча Росреестр Идарәсенең күчемсез милекне кадастр бәяләве бүлеге башлыгы Алсу Сабирҗанова аңлатып узганча: «әгәр мөрәҗәгать итүче кадастр бәясен дөрес дип санаса, ул аны судта яки Росреестрның Татарстан Республикасы буенча идарәсе каршындагы кадастр бәясен билгеләү нәтиҗәләре турында бәхәсләрне карау буенча махсус комиссиядә бәхәсле дип игълан итә ала. Физик затлар сайлап ала алалар – судка яки комиссиягә мөрәҗәгать итәргә, ә юридик затлар башта нәкъ менә комиссиягә мөрәҗәгать итәргә тиеш.»
Кадастр бәясен яңадан карау турындагы гариза комиссия тарафыннан бер ай эчендә карала. Бүгенге көндә, дәгъва белдерелә торган уңышлы очракта, салым күләме түбәндәге салым чорларында гына түгел, ә дәгъва белдерү өчен гариза бирелгән ел эчендә дә үзгәрәчәк. Ә менә 2019 елның 1 гыйнварыннан 2018 елның 3 августындагы 334-ФЗ номерлы Федераль закон үз көченә керүгә бәйле рәвештә, 2015 елдан башлап күчемсез милек объектының кадастр бәясе салым базасын билгеләү өчен кулланылган көннән башлап үзгәртелгән (2019 елдан башлап кертелгән) кадастр бәясен салым салу максатлары өчен куллану каралган.
Закон буенча кадастр бәясе турында бәхәсләшеп була торган ике нигез бар. Беренчесе: аның кадастр бәясен билгеләгәндә кулланылган күчемсез милек объекты турында мәгълүматларның дөрес булмавы. Икенчесе: күчемсез милек объектына аның базар бәясен аның кадастр бәясе билгеләнгән көнгә билгеләү.
Уңай хәл ителгән очракта кадастр бәясе яңадан каралачак. Комиссия тарафыннан уңай карар кабул ителмәсә, һәркайсының кадастр бәясен дәгъвалау өчен судка мөрәҗәгать итү хокукы бар. Шунысын да билгеләп үтәргә кирәк, Росреестрның Татарстан Республикасы буенча идарәсе кадастр бәясен үткәрми, ләкин бәяне төзәтә ала, моның өчен законлы нигез бар икән.
Комиссия эше белән бәйле барлык кирәкле мәгълүмат, шулай ук кирәкле документлар исемлеге белән Росреестрның Татарстан Республикасы буенча Идарәсенең рәсми сайтында «күчемсез милек объектларына кадастр бәясе " бүлегендә таныша аласыз. Моннан тыш, бәхәсләрне карау нәтиҗәләре кыска вакыт эчендә шулай ук әлеге сайтта урнаштырыла.
Гариза белән турыдан-туры Казан шәһәре, Авангард урамы, 74 адресы буенча мөрәҗәгать итәргә кирәк. Шулай ук сораулар килеп туган очракта(843) 255-25-28, 255-25-23 телефоннары буенча шалтыратырга мөмкин.
Матбугат хезмәте