Урман хуҗалыгы министрлыгы дача ширкәтләрендәге чүп-чар өчен зур штраф сала

Министрлык вәкилләре, урман массивлары белән чиктәш бакча-дача ширкәтләрендә, санитар һәм янгынга каршы куркынычсызлык таләпләрен тикшерде.

ТР Урман хуҗалыгы министрлыгы хезмәткәрләре, хокук сакчылары белән берлектә, санитар-экологик икеайлык кысаларында, бакча-дача ширкәтләре янындагы урман фонды территорияләренә рейд ясады һәм штрафлар турында кисәтте. Урманчылар белән рейдта “Татар-информ” хәбәрчесе дә катнашты.

Министрлык вәкилләре урман массивлары белән чиктәш бакча-дача ширкәтләренә рейд барышында, санитар һәм янгынга каршы куркынычсызлык таләпләренең үтәлешен тикшерде.