Ата-аналар БДИ тапшырды

Ландыш Юдина:

– Минем баламны нәрсә көтә, баш­та үземдә тоеп карадым. Әгәр мин үзем БДИне үтсәм, файдалы була­чак, күп вакыт узса да, мин бу про­цедураны үтеп, баламны бераз ты­нычландыра алачакмын, курыкмаска өйрәтәчәкмен.

Артык кыенлыклар юк. Иң мөһиме – инструкцияне саклау. БДИгә әзерләүче укытучыларга теләгем бар, балаларны психологик яктан уңай якка әзерләргә, куркытмаска кирәк.

Имтихан чын булмаса да, хәтта ата-аналар өчен дә оештыручы­лар бернинди искәрмә ясамадылар. БДИдә аларның балалары ниләр кичергәннәрен олы кешеләр аңлар өчен эшләнелде. Барлык процеду­ра чынбарлыкка якын иде: инструк­таж, теркәлү, металл эзләүче аша үтү, күзәтүчеләр, элемтә чараларын тыю, имтихан барышын видеокүзәтү. Ата-аналар аудиториягә бары руч­ка һәм паспорт белән керделәр. Тест кыскартылган программада үтте. Биремнәрне үтәргә кырык минут бирелде, регламент шундый иде. Дулкынланган өлкәннәр шунда ук фикерләрен җыя алмадылар, күп со­раулар бирделәр.

Аудиторияне оештыручы, Яңа Маҗын төп белем бирү мәктәбенең рус теле укытучысы Ольга Титова сы­наулардан соң шуны билгеләп үтте: аудиториядәге атмосфера балалар биргәндә кебек булмады. Укучы­лар артык сораулар бирмиләр, алар әзерлекле киләләр һәм бланкларның ничек тутырырга кирәген беләләр. Билгеле инде, ата-аналар моны бел­ми, шуңа сораулар күп булды.

БДИдән соң ата-аналар үзләренең тәэсирләре белән бүлештеләр.

Лилия Яруллина:

– Минем улым унберенче сыйныф­ны тәмамлый. Шуңа күрә бу проце­дураны үземдә сынап карыйсым кил­де. Минем фикеремчә, гаилә БДИгә әзерләнү процессында катнашырга тиеш. Әлбәттә, бөтен биремнәрне үтәргә вакыт җитмәде. Иң авыры со­чинение язу булды. Миңа калса, ул балалар өчен дә авыр. Әлбәттә проб­ный БДИләрне үткәрергә кирәк, әмма алар түләүле булмасын иде.