Җиңүләр җиңел бирелми

Әлфинә ВОРОБЬЕВА

4 курс студенты Ринат Пирогов (педагог Наталья Шарапова) “Ветеринария” компетенциясендә уңышлы чыгыш ясады. Ул Бауман исемендәге Казан ветерина­рия медицинасы академия­се вәкиленә оттырып, 2 нче урынга чыкты. Чемпионатта биремнәр «Ветеринар-са­нитар экспертиза», «Кли­ник диагностика», «Мик- робиология», «Хирургия» модульләреннән тора иде.

Бәйсез экспертиза комис­сиясе составында Россиянең төрле шәһәрләреннән, шул исәптән, Мәскәүдән Яна Львова, Төмәннән Ма­рат Кәримов бар иде. Бу компетенциядә 2 курс сту­денты Аделина Колесова да (педагог Наталья Шарапо­ва) конкурстан тыш чыгыш ясады, биремнәрне уңышлы башкарды.

Зөфәр Әхмәдиев (укы­тучы Әминә Гильманова) “Авыл хуҗалыгы машина­ларын эксплуатацияләү” компетенциясендә, “Повар­ское дело” компетенция- се буенча Наталья Титова (мастер Алевтина Дюпи­на) биремнәрне уңышлы үтәделәр, әмма быел призер була алмадылар.

2014 елдан башлап, бу мас-терлар чемпио­натка дүрт студентны әзерләгәннәр. Алда тагын өч ел вакыт бар әле.

Алевтина Дюпина, Ольга Кочеткова, укыту-производ­ство мастерлары:

– Студентны ярышка әзерләгәнче, үзеңә укыр­га, белемнәрне яңартырга кирәк. Без, укыту-произ­водство мастерлары, үзебез 2014 нче елдан башлап, семинарларга, курсларга йөреп укыдык, сертифи­кат алдык, хәзер үзебез дә эксперт. Ә эксперт булгач, теләсә кайсы конкурста жюри әгъзасы булып, бәя бирә алабыз, – ди алар.

– Чемпионатта нәрсәгә игътибар бирелә, баллар ни өчен киметелә (әзерләнгән ризыкның авырлыгына, бизәлешенә нык игътибар бирелә) – без барысын да белеп торырга тиеш.

С е м и н а р -т р е н и н г л а р ­да яңа таләпләрне дә өйрәтәләр. Халыкара дәрәҗәдә үзеңне, техникум­ны күрсәтергә кирәк. Бар да исәпкә алына: продуктларга заявканы дөрес тутырмасаң да, баллар киметелә. Без беренче унлыкка кердек, бу җиңел бирелмәде. Һәр яңалык белән хәбәрдар булсыннар дип Эльви­ра Шәриповна барлык мөмкинлекләрне тудыра: курсларга, карап-күзәтеп кайтсыннар дип, студент белән конкурсларга җибәрә.

Шунысы гына бераз күңелне борчый: чемпи­онатта студентың өчен өзгәләнсәң дә, янына килү, киңәш бирү, ни­чек кенә булса да ярдәм итү мөмкинлеге юк. Әмма жюриның объектив бәя бирүе куанычлы, монда “ми­неке”, “ синеке” юк. Әзерләп бетергәч, ризык үлчәнә, авырлыгы таләпләргә туры килмәсә, баллар нульгә кадәр (!) киметелә. Мон­дый мәртәбәле чемпио­натта катнашучы студент өчен бар нәрсә яңа бит: яңа урын, җиһазлау, инвен­тарь дисеңме... Әлбәттә, ул каушап кала. Өлкәннәр дә дулкынлана бу атмосфе­рада. Баштарак бер каби­нетта шөгыльләнә идек, ә хәзер исә Халыкара сервис көллиятендә берьюлы өч кабинетны җиһазлаганнар. Һәр эш урыны заманча технологияләр буенча ае­рым җиһазланган.

Әйтергә кирәк, республи­кабызда пешекче, кондитер белгечлеген өйрәтүче уку йортлары бик күп, димәк, конкуренция дә зур дигән сүз. Аннары контингентның нинди булуы да зур роль уй­ный. Безнең авыл хуҗалыгы техникумының бу белгеч­лек буенча тәҗрибәсе баш­калар кебек дистә еллар белән исәпләнми – без бу юнәлештә әле дүртенче ел гына эшлибез, студентлар саны да аз – нибары 37. Ризыклар өчен ингредиент­ларны башка шәһәрләрдән, “Бәхетле” кебек супермар­кетлардан сатып алабыз. Плиткәле шоколадны гына алыйк, узган ел без конди­тер эшләнмәсе ясау өчен 80% лы шоколад сатып ал­дык. Күпме чыгымнар таләп итә. Алга таба тагын да катлаулырак булыр, чөнки ризыклар халыкара кухня­дан алыначак, җиһазлар да яңарып тора.

Уйлап карасаң, чемпи­онатка әзерләнү никадәр вакыт, тырышлык таләп итә. 9 сыйныфны гына тәмамлап килгән 15 яшьлек бала кон­курста катнашып, яхшы нәтиҗә күрсәтсен өчен күпме көч куярга кирәк