Искә алырга кайттылар
Сугышчан иптәшләрен туплап йөрүче гвардия полковнигы Александр Ружин Николаевка мәктәбе укучылары Сергей Кузнецовка багышлап әзерләгән әдәби-музыкаль композиция өчен мәктәп директоры Светлана Беляниновага һәм коллективка зур рәхмәтен белдерде. Хәрби частьның ветераннар советын җитәкләгән кунак пат- риотик тәрбия өлкәсендә нинди эшләр башкарылуын сөйләде. Аерым алганда, хезмәттәшләренең туган төбәкләрендә укыган яисә эшләгән мәктәпләргә аларның исемнәрен бирү буенча ниләр башкарганын әйтте. Николаевка мәктәбенә дә Сергей Кузнецов исемен бирү тәкъдимебелән чыкты.
Очрашуда район мәга- риф бүлеге начальнигы Наил Габдуллин катнашты һәм Сергей Кузнецовка кагылышлы булган истәлекләре белән уртаклашты. Мәрхүмнең истәлегенә хөрмәт белән сугарылган әлеге очрашуда авыл җирлеге башлыгы Әскать Нуриев, Әфганстан ветераннары оешмасы җитәкчесе Альберт Миннахметов, туганы, танылган җырчы Федор Кузнецов, Сергейның хатыны, малайлары катнашты.
Соңыннан кунаклар Сергей Кузнецов каберенә чәчәкләр салдылар.
Газета укучыларыбыз игътибарына Николаевка мәктәбе тарихына багышланган материал тәкъдим итәбез.