Чәк-чәкләрдә – әни күңеле

Үткәрүчеләрнең һөнәри әзерлеге өстенә теләге дә көчле булганда гап-гади бәйрәм чарасы тамашага әверелә.

Тауасты Байлар авылының халык теат-ры режиссеры Мөслимә Гайниева менә шул ягы белән районда башка мәдәният хезмәткәрләреннән аерыла да. Тамаша­ны югары дәрәҗәдә үткәрү өчен оешты­ру юнәлешендә көчеңне дә, талантыңны да кызганмаска кирәклеген аңлый ул. Хәер, аның ярдәмчеләре, фикердәшләре – әбиләре, әлеге мәдәният йортының хезмәткәрләре һәр идеяны күтәреп алырга торалар.

Әниләр бәйрәме (8 март гомуми ха­тын-кызлар көне, ә ноябрьнең соңгы якшәмбесендә инде 1998 елдан башлап Әниләр бәйрәме дә календарьга керде) чәк-чәк бәйрәме буларак үткәрелде Тау­асты Байлар мәдәният йортында. Билге­ле инде, сәхнә түрендә әниләр – чәк-чәк пешерү осталары.

Тагын бер үзенчәлек – залдагы тама­шачылар гына түгел, осталар арасында да күрше авыллардан килүчеләр дә бар иде. Һәр номер театральләштереп алып барылды. Үзешчәннәр генә түгел, чәк-чәк пешерүчеләр үзләре дә җырлады, шигырь дә сөйләде.

Тамаша мәдәният йортының фойесында башлан­ды. Фойедагы чигелгән келәмнәр, картиналар (алар­ны Ләүсирә Ханова, Рәйсә Локманова, Мәгыйшә Гыйззәтуллина, Гөлсинә Хәйруллина, Мөслимә Гайниева әзерләгән) һәм башка эшләнмәләргә сокланып йөрергә мөмкин иде. Әлеге чара чәк-чәкләр белән авыз итеп, чәй эчү белән тәмамланды.

Чәк-чәк пешерү осталарын йомышлары төшкән шак­тый минзәләле белә. Бу исемлек газета битләрендә чыккач, заказ бирүчеләр тагын да күбәер әле. Алар моңа лаек, чәк-чәкләре бик тәмле. Гарантия бирәм, чөнки үзем дә авыз иттем.

Тауасты Байлардан ”Буыннар бәйләнеше” номина- циясендә “Иң нәфис чәк-чәк” – әниле-кызлы Фәүзия Шәйхетдинова һәм Лилия Муллагалиева. Бер чәк-чәкне картлар йортына бүләк иттеләр. Сатарга алып килгән чәк-чәкләре тиз арада сатылып бетте.

Тауасты Байлардан Фәнилә Ибраһимова “Туй чәк- чәге”, номинация “Иң сәнгать-пәрвәр әни” номинациясе.

Мияштән Ләбүдә Кәрәмова, ”Как чәк-чәк” – тату яшәүче килен белән каенана дип театральләштерелә.

Тулбайдан 50 ел бергә яшәгән Рашат һәм Нәкыя Ну­риевлар “Яшьлегем чәк-чәге”, “Ике аккош” номинациясе. Шул исемдәге җыр башкардылар. Аларны ЗАГС бүлеге мөдире Анна Куприянова юбилейлары белән котлады. .

Тулбайдан Нәсимә апа “Күршекәем” чәк-чәге, номина­ция – “Иң яхшы күрше”. Аның чәк-чәген дә сатып алды­лар.

Зөлфирә Гәрәева мич коймагы пешереп алып килгән. “Иң оста мич коймагы”. Салисә Гәрәеваның иҗатын ят­тан белүче, нәфис сүз остасы.

Тауасты Байлардан ике бертуган Гөлшат һәм Гөлсинә апалар “Җәйләү чәк-чәге”, номинация “Җәмиләтти”. Ха­лык соравы буенча “Көтүче белән сыер савучы” җырын башкардылар.

Рәйханә Хафизова һәм Мәдинә Гайниева “Туган көн чәк-чәге”, “Пәрәмәч” шигырен Язилә исемле кыз бала башкарды.

Энҗүдә апа кызы Алсу Гыймадиева белән “Хәләл чәк- чәк” пешергәннәр. Алар төрелгән бүләк чәк-чәкләрен (шулай ук эксклюзив) тамашачыларга өләштеләр һәм приз уйнаттылар.