Сыйфатка контрольне киметергә ярамый

Кибеткә азык-төлек продуктлары, бигрәк тә камыр ризыклары алырга кергәндә, сатучыдан аның сыйфаты турында сорап йөдәтеп бетерәбез. Йомшакмы, катымы, тәме тәмлеме, ачымы, баллымы һәм башка шундый сораулар. Минзәлә икмәк заводы эшләп чыгарган җирле продукцияләргә оештырылган дегустациядә дә кулланучылар ризыкларны татып карап, шушы сорауларга җавап алдылар.

Күргәзмәгә куелган про­дуктларны татып караудан тыш, минзәләлеләр дәүләт алкоголь инспекциясенең Яр Чаллы территориаль бүлеге әйдәп баручы белгече (рай­он кулланучылар оешмасы җитәкчесе дә ул) Ләйсән Фа­тыйховага һәм Минзәлә икмәк заводы вәкилләренә дә сорау-тәкъдимнәрен җиткерә алды­лар.

Күпчелек минзәләлеләр за­вод икмәк-булка продуктла­ры гына чыгара дип уйлый. Өстәлгә куелган мармелад, безеларны, авызда эреп тору­чы кош телләрен, рулетларны күреп гаҗәпләнүчеләр дә юк түгел иде.

– Минзәлә икмәк заводының икмәк-булка, камыр ризыклары пешергәнен белә идем. Үзем йөземле кексны, коржикларны яратып алам, ә менә лимонлы печеньелар, прәннекләр, мар­меладлар җитештергәннәрен белми идем, – ди дегустациягә килгән Люба Сәйфетдинова.

Завод үз продуктларының ассортиментын киңәйтү, яңарту өстендә даими эшли. Кулланылышка яңа төр про­дуктлар керткәндә элек чыга­рылган кайбер төр продуктлар җитештерүне туктатырга туры килә.

– Элек икмәк заводы бик тәмле дә, файдалы да бул­ган көрпәле “Дәрвиш” икмәге пешерә иде. Соңгы вакытта сатуда күренми башлады ул. Без аны бик ярата идек. Шуны кабаттан җитештерүгә кертеп булмас микән, – дип теләген белдерде завод вәкилләренә Кадрия Садыйкова.

Соңгы вакытта икмәк за­воды эшләп чыгарган икмәк тирәсендә шактый шау-шу купты, бигрәк тә халык соци­аль челтәрләрдә бу юнәлештә артык нык активлык күрсәтеп, заводның яманатын чәчәргә ашыкты. Шул уңайдан дегус- тациядә дә икмәкнең соңгы ара­да сыйфат ягы аксавы буенча да сораулар бирелде. Заводтан килгән вәкилләр – сбыт бүлеге начальнигы Марина Вячкелева һәм продукцияне сату буенча менеджер Галина Кашапова кулланучыларга түбәндәге җавапларын җиткерде:

– Соңгы вакытта икмәкнең сыйфатына зарланып безгә мөрәҗәгать итүчеләр дә булды. Санэпидемстанция вәкилләре заводта тикшерү дә уздырдылар. Заводта са­нитар кагыйдәләрне бозу оч­раклары юк. Камыр баса тор­ган чаннар яхшылап юыла, стерилизацияләнә, он иләк аша уза. Күптән түгел генә иске җиһазлар яңага алышты­рылды, кайтарылган оннарның сыйфаты даими тикшерелә, ка­мыр басу процессы контрольдә тотыла. Җитештерелгән про­дукция складларда искереп ятмый, турыдан-туры район буенча гына түгел, ә Бөгелмә, Азнакай, Түбән Кама, Әлмәт, Чаллы кебек зур шәһәрләргә дә җибәрелә. Көн саен якын­ча 1600-1700 тонна икмәк җитештерелә, – дигән җавап җиткерделәр.

Шәһәребез кечкенә булуга карамастан, икмәккә конку­ренция зур. Үзебездә эшләп килүче шәхси пекарнялар булу өстенә күрше-тирә районнар­дан да китерәләр ипине. Ләкин район халкын, мәктәп, балалар бакчаларын икмәк белән төп туендыручы булып Минзәлә икмәк заводы кала бирә. Кул­ланучылар арасында яула­ган дәрәрҗәсен төшермәс, көндәшләре арасында югалып калмас өчен заводка бер генә минутка да уяулыгын югалтыр­га ярамый.

Районда уздырылган дегус- тацияләр халык өчен, аларның т ә к ъ д и м - ф и к е р л ә р е н , теләкләрен белү өчен узды­рылса да, ни өчендер ризыкны татып карап, аңа карата үз фи­керен турыдан-туры җаваплы кешеләргә җиткерергә өйрәнеп җитә алмый әле минзәләлеләр.