Дөрес юлдан баралар...
Газетабызның алдагы санында район фермерларының 2014 елда игенчелек буенча рейтингын тәкъдим иткән идек. Татарстан Авыл хуҗалыгы һәм азык- төлек министрлыгының бу инициативасына алар ничек карыйлар соң? Үзем уңай бәялим.
Чөнки алар кулында бик зур күләмдә авыл хуҗалыгы җирләре бар. Ә уңдырышлылыгы, продукция бирүчәнлеге буенча кайберләре үз йортларындагы малларын фураж, печән белән дә тәэмин итә алмый. Булышмыйлар дип елап йөргәнче, җирне интектермәскәдер, бәлки? Районда үз эшләре белән авторитет яулаган фермерларның да фикерен беләсе килде.
Геннадий Маслаков:
– Белгечләр әлеге күрсәткечләрне дөрес сайлап алгандыр. Барысы да чәчү әйләнешендә бик кирәкле факторлар. Чәчү әйләнеше белән дә җирдән югары уңыш алып була. Ашлама кертмичә генә җитәрлек һәм экономик чиста продукция алуыма куанып эшлим һәм яшим. Җиргә ашлама кертү, химия җитештерүчеләрне баету гына ул. Өстәвенә ашлама бик кыйбат. Димәк, җитештерелгән бөтекнең үзкыйммәте нык арта дигән сүз. Экономик күрсәткечләр буенча шулай ук рейтинг булачак. Ул яктан минем күрсәткечләрем әйбәт булыр дип уйлыйм.
Нәсим Дәүләтов:
– Эшләгән кешене сүз түгел, саннар мактаса саллырак була. Мин канәгать. 2015 ел күрсәткечләре буенча бәлки беренче дә булырмын әле. Сөйләп торсаң мәшәкатьләр күп инде ул. Яшелчәләр гаиләбезне генә түгел, шактый авылдашларны да эшле итте. Шуңа горурланам. Эшләп тапканыбыз аллага шөкер, үзебезгә җитә. Рейтингта югары баскычта икәнбез, димәк юнәлешебез дөрес дигән сүз. Ә калганнар 2015 елда үз күрсәткечләрен я х ш ы р т ы р т к а н м ы ? Көтәргә күп калмады.
Илдус ШАҺИЕВ