Кичәнең исеме дә яңгырашлы – “Җәннәт әниләрнең аяк астында” дип атала иде. Ул узганындагы кебек, Минзәлә мәчете инициативасы белән берлектә уздырылды. Мөнәҗәт әйтүчеләр – шәһәребез, районыбыз авылларында яшәүчеләр. Залда мәктәп, урта махсус уку йортларында укучы студентлар күп иде, димәк, мондый кичәләр яшьләрдә дә кызыксыну уята. Мондый кичәнең чираттагысы декабрь аенда Мәүлид бәйрәмендә уздырылачак.