Иң җайлысы – электрон элемтә
Картлык буенча вакытыннан алда билгеләнә торган иминият пенсиясен үзвакытында билгеләү максатыннан пенсия фондында иминиятләнгән затларның пенсия хокукларын тикшерүче белгечләр тарафыннан түләү документларын әзерләү буенча эшләр алдан алып барыла.
Министрлар Кабинетының “Пенсия билгеләү буенча әзерлек эшләрен электрон рәвештә алдан алып бару” карарын тормышка ашыру кысаларында, пенсиягә чыгучы иминиятләнгән зат бер ел алдан “БПИ макет” Программа комплексына сканер аша уздырган документлары күчермәсен җибәрергә тиеш. Иминиятләнүче махсус стажга ия булырга һәм Татарстан территориясендә эшләргә тиеш. Эшләмәүче иминиятләнгән затлар һәм Россия Федерациясе территориясендә эшләүчеләр документларны турыдан-туры пенсия фонды идарәсенә үзләре китереп бирә.
Электрон макет, ягъни сканердан үткән документлар: паспорт, СНИЛС, хезмәт кенәгәсе, хезмәтнең авыр булуын күрсәтүче белешмә, архив белешмәсе, хезмәт хакы турындагы белешмә, хәрби билет, язылышу хакындагы таныклык, балаларның туу таныклыгы һ.б пенсия фонды тарафыннан ныклап тикшерү уза.
Иминиятләүчеләр белән электрон элемтә булдыру хакында шактый күләмле эш башкаруга карамастан, барлык оешмалар да ТР Министрлар Кабинеты карарын үтәмиләр. Әйтик, 2014 елда картлык буенча вакытыннан алда пенсиягә 74 иминиятләнгән зат чыкты. Шуларның бары тик 20 се генә электрон макет җибәрде, ә калган 54 электрон макет Пенсия фонды идарәсе белгечләре тарафыннан төзелде.
Эльвира. ХАБИБУЛЛИНА,
ТРның Минзәлә һәм Мөслим районнары буенча Пенсия фонды идарәсе начальнигы