Бергә булсак, булдырабыз!
“Экстремизмга – юк!” айлыгы кысаларында “Юбилейный” физкультура-сәламәтләндерү комплексында “Веста” күпфункцияле яшьләр үзәге һәм әлеге комплекс хезмәткәрләре инициативасы белән, шәһәрнең 3 нче сыйныф укучылары арасында спорт-күңел ачу чарасы узды.
Стартка гимназиянең - «Костёр», 3 нче урта мәктәпнең – “Олимпиец” һәм 2 нче урта мәктәпнең “Дружные ребята” командалары чыкты.
Ярышларда катнашучыларны муниципаль район башлыгының коррупциягә каршы тору мәсьәләләре буенча ярдәмчесе, районың террорга каршы комиссия сәркатибе Нәкыйп Илдарханов сәламләде, ярышларны ачып җибәреп, һәркемгә уңыш теләде.
Программа бик кызыклы иде. Командалар белән таныштыргач, йөгерү, сикерү күнегүләреннән торган, туп белән уйный торган катлаулы конкурслар т әкъдим и телде. Я рышларның бар этабы да киеренке көрәш аша барды, тамашачы да актив булды.
Укучылар уен белән шулкадәр мавыгып киттеләр, хәтта янәшәдә ни булганын да сизмәделәр. Һәркайсының финишка беренче булып килергә тырышты. Зал шат авазлардан гөрләп торды.
Жюри ярышларга нәтиҗә ясады, иң күп баллны 3 нче урта мәктәп командасы җыйды. Гимназия командасы – икенче урында, 2 нче урта мәктәп өченче урын белән канәгатьләнде.