Шәһәребезне җылытучылар
Тормышыбыздагы инновацион технологияләр шәһәрдәге оешма-учреждениеләрне җылылык белән тәэмин итүче котельняларга да үтеп керде, аларның фәкать өчесендә генә операторларга сменалап дежур торырга туры килә, калганнары исә диспетчерлык пультына тоташтырылган.
“Коммуналь челтәрләр” карамагындагы икенче санлы квартал котельнясы шәһәре-без үзәгендәге оешма-учреждениеләрнең барысына да диярлек хезмәт күрсәтә.
– Сменалы булуга карамастан, үз эшемне яратам, җаваплылык хисе тоеп башкарам, – ди шушы котельняда эшләүче операторларның берсе Миннасия Уханова.
Котельнядагы җайланмалар-ның тигез ритмда эшләвен, җылылык басымын даими контрольдә тоту өчен тәҗрибә дә, уяулык һәм түземлек тә таләп ителә торган эш ул. Операторлар Владимир Кукаркин, Надежда Федотова белән график нигезендә чиратлашып эшлиләр, нәрсәдер төзәтергә туры килсә, слесарь Илфат Фаррахов та янәшәләрендә генә.
– Җылылык сезоны төгәл-ләнгәч тә без эшсез утырмыйбыз. Шәһәр һәм райондагы башка котельняларны алдагы ягулык чорына әзерлек буенча ремонт эшләрендә катнашабыз, – дип сөйли үзләренең эшчәнлекләре турында оператор.
Язма герое портретына штрих
Миннасия Минхәйдәр кызы тумышы белән Әлмәт якларыннан. 1987 елдан бирле тормышы Минзәлә белән бәйле. 1991 елдан бирле котельня операторы булып эшли. Моннан өч ел элек пенсиягә чыкса да, эшеннән аерылмый әле ул. Эшкә җаваплы каравы, тырышлыгы өчен коллективта хөрмәт казанган котельня операторы Миннасия Уханованың шушы көннәрдә туган көне дә.